قالت هو الشعر يعنـي هالجمـل والسطـور
ولاّ الـوزن والقوافـي وإختـلاف البحـور
قلـت الله الله يـانـورٍ مايباهـيـه نــور
الشعر ياخذ مـن عيونـك معـان السـرور
لـك حـق ياخـذك تيـار الدلـع والغـرور
الشعر عشب المشاعـر وإنبثـاق الشعـور
الشعـر خيـطٍ يبشـر بالصبـاح الطـيـور
الشعر طيفٍ مسافـر فـي خيـال العصـور
الشعر لـه فـي قضايـا مجتمعنـا حضـور
يامـن عليهـا براكيـن الضمايـر تـثـور
ماهوب عذروب لو تخفـاك بعـض الأمـور
يازهـرة الياسميـن ، فـداك كـل الزهـور
ليا شفتك أعيش فـي دنيـاي جـو الحبـور
أعبر معي وأعطني وأعطيـك سـر العبـور
سيطر على القلب وإصنع من ضلوعي جسور
و وفاك وإخلاصك وصدقـك جـواز المـرور
بنيت فالقلـب قصـرٍ فـاق كـل القصـور
الفـرق بينـك وبيـن مهيضـات الصـدور
ياللي تقـول العبـاد عيـال تسعـة شهـور
تبـور بعـض المعـادن والذهـب مايبـور