رد: قرارات مجلس الوزراء الموقر لهذا اليوم الإثنين : 18 / 1 / 1431هـ
أتوقع والله أعلم .. أن العقار راح يدحدر دحدرة طيبه - قولوا يارب -
طيب ليه ؟؟ أقول لكم ليه !! لان العقار من أساسه طلع طلوع عامودي خطير في السنوات القليه الماضيه ووصل لأرقام فلكيه.
ومثل ما يقولون ما طار طير وارتفع .... الا كما طار طاح على راسه.
ويبدوا لي العلم عند الله إن الهوامير اللي طلعوا من سوق الاسهم ودحلوا في مجال المتاجرة في العقار هم من رفعه كل هذه الارتفاعات الجنونيه .. ومن فتره وهم قاعدين يصرفون علينا بهذي الاسعار العاليه جدا ..تماما مثل ما فعلوا في سوق الاسهم عندما كان المؤشر فوق العشرين.
والحين أنا اشوف تراجع في اسعار العقار .. أو بمعنى آخر كثرة العروض مع عدم وجود طلبات جيده
طيب نجي لتأثر هذ القرارات على سوق الاسهم
إن حدث هبوط في العقار هذا يعني أن السيوله خرجت منه ولابد لها أن تجد مجال آخر تستثمر فيه.
وبالطبع عندنا في المملكه لا يوجد مجالات كثيره للاستثمار .
خاصة وربعنا يبون الربح السريع والسهل ... يعني ما يبون يتعبون
لذلك ما قدامهم الا سوق الاسهم
طبعا لا أتوقع ارتفاعات جنونيه في السوق لكن قد يحدث ارتفاعت زينه
والعلم عند الله
وتروا انا ماني محلل فني ولا محلل مالي .
لكن من كثر ما عركتني وعفستني هذي الاسواق صار عندي شوي خبره .. ولا تعتمدون عليها >>> تروا مالي شغل اذا خسرتوا
|