[سنا الهجرة]

مع الاسف كلكم يبدو انكم ما فهمتوا الموضوع زين
مع أني عارف ومتأكد إنكم فاهمين الموضوع
المشكلة انكم ما تبون تبينون إنكم فاهمين

أنا الحين اللي أبي اتفلسف عليكم
نجي لكلمة يتمحور >>>> عجبتني مره

المهم هذا جاك الخواجه اللي درس مخ الرجل والمرءة .. وجا يعلمنا وش فهم منه .. يقول ان كان صدق
إن مخ الرجل والمرءة عبارة عن كمبيوتر .. زين >>> اكيد هذي فهمتوها

طيب .. شفتوا سطح المتب في الكمبيوتر

اكيد شايفينه >>> لا يجي واحد يقول ما شفته

المهم .. بالنسبة للرجل موزعه توزيع مضبوط .. يعني حاط فوقه صناديق .. أو ملفات سموها مثل ما تبون

المهم انه اذا دخل لصندوق خلاص يركز فيه لوحده ويكون كل تفكيره فيه ما يحاول يشغل نفسه بشي ثاني .. حتى اذا كان طفشان ومتضايق يدخل صندوق .. اللا شي
ولو جات المرءة تبي تشربكه وتدخله معاها في شبكتها العنكبوتيه .. صعبة جدا انه يجاريها .. يعني هي لازم تفهم كذا

أما المرءة عكس كذا تماماً بإمكانها تفتح كل الصناديق في وقت واحد وتشتغل على جميع الخطوط وهذي نعمه من الله لها لانها لو ما كانت مهيأة لــ كذا كان انجنت .. وعلى الرجل أن يفهم كذا

وماهو شرط انها بهذا تنجز أفضل من الرجل أو تعمل أكثر من الرجل أو إن مخها أفضل من مخ الرجل لا ..
وقد يكون سبب كثرة النسيان عند المرءة بسبب هذا التداخل العجيب في المعل في مخها

قال تعالي ((وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى) [البقرة: 282].
وممكن ان اليوم كله يروح وهي ما انجزت شي .. بس الهم في الامر انها تتحمل الجو اللي الله سبحانه خلقها له ..

هناك أفضليه بلا شك ولكنها ليست مطلقه .. لا تكمن في رجل بعينه أو إمرءة بعينها

يعني ممكن نجد رجل أفضل من إمرءة في بيت ما !!
وفي البيت الاخر نلاقي إمرءة أفضل من رجل .. قدرات وميزات فرديه لا تنطبق على الكل

ونرجع ونقول إن الله سبحانه هيئهم لما خلقوا له .. وكل واحد له دور لابد ان يقوم به لذلك خلقوا هكذا .. لانجاز مهامهم الموكلة اليهم ..

وكذلك لا نغفل عن أمر مهم .. وهو أن الله جعل كلٌ من الرجل والمرءة مكمل للاخر .. لذلك هم بناء تكاملي تناسقي متناغم .. >>> مطلع قصيده هههه
وهذي من حكم الله سبحانه وتعالى في خلقه

ومن هنا نفهم أن الرجل والمرءة كلاهما لا يمكن له أن يستغني عن نصفه الاخر .. مهما ادعوا غير ذلك أو حاولوا الانكار

نشاهد في الغرب >>>> الدول المتغغغغغغغغدمه على قول اخواننا السودانيين

كيف انهم حاولوا جاهدين أن يساوو بين الرجل والمرءة .. وقالوا ان الرجل والمرءة لا فرق بينهما بتاتا
وسعوا لاثبات ذلك بكل ما أوتوا من معرفه وقوة

والنتيجة أنهم فشلوا فشلا ذرعيااااااااااااا

طيب لماذا فشلوا ؟؟؟؟... هنا السؤال >>>

لان الله سبحانه قال (وَلَيْسَ الذَّكَرُ كَالْأُنْثَى) [آل عمران: 36].>> قال ذلك في كتابه الكريم الذي فيه كل ما يصلح حال المرء أيان كان جنسه

طيب خلوني اضرب لكم مثل بسيط ( ولله المثل الاعلى )

لو جانا وكيل لاحدى السيارات .. وقال انه صنع سيارة >> زين

وقال انتبهوا تروا فيه معاها كاتالوج موضح فيه انها ما تتحمل الا علبتين زيت بس .. وجا واحد منا يبي يتفلسف ومسوي انه اذكى من اللي صنعها.. وقال لاااااااااااااا أنا بحط أربع علب >> الخواجه هذا ما عنده سالفه ليش بس علبتين

أو بين لنا في الكاتلوج .. وقال السياره هذي معدة خصيصاً للمدينه ما ينفع تطلع للبر والجبال والمناطق الوعرة..
وطلع أخينا المتفلسف وقال معصي والله اني رايح فيها البر والجبال >>> هذا ما عنده سالفه..

وش راح يكون مصير السياره >>> أكيد بتنعدم ( تخرب ) صح

هذولا الغربيين أهملوا كاتلوج الانسان (((( القرءان الكريم )))))) .. اللي أنزله رب العباد وبين فيه قدرات كل واحد منا ( رجل وامرءة )

على شان كذا فشلوا ..

ولننظر في رد موسى على فرعون . .في هذه الاية الكريمة
﴿ قَالَ فَمَنْ رَبُّكُمَا يَا مُوسَى * قَالَ رَبُّنَا الَّذِي أَعْطَى كُلَّ شَيْءٍ خَلْقَهُ ثُمَّ هَدَى ﴾