[سنا الهجرة]

المشاركة الأصلية كتبت بواسطة الذيب

بسم الله الرحمن الرحيم

السلام عليكم ورحمة الله وبركاته
الحمدلله على كل الاحوال

نسأل الله العظيم أن لا يريكم مكروه وأن يديم نعمته علينا وعليكم وأن يجعل صحتنا عوناً على طاعته.
نحمد الله تعالى بعد اتم نعمته على الأخ الأستاذ/ عبداللطيف بن سعد
بنجاح العمليه وخروجه من المستشفى هذا اليوم
ونتمنى له دوام الصحة والعافيه
ونتمنى أنه يرجع للدوام لأنهم يقولون غيابه سبب أزمه في المدرسه والاحتياط ذبح زملاه المدرسين
ولكن بمشيئة الله

[poem="type=1 font="bold large Arial, Helvetica, sans-serif""]أشتريتك أخوَّه ما أبيعك قصيد=وإن طلبت القصيده ابتدتني عجل
وإن بغيت المذهّب ما اسوم الحديد=وإن كتبت الفريده أزهرت بالنفل
ما عليها تعلّي ما عليها يزيد=في حضورك بحرفي كسرها مكتمل
لا يهمك مطيحك يالعتي العنيد=وإن حملتك بلحظه ما تزال الجمل
كتفي اللي ركيته كالعصا مستفيد=والتمر ما يتكّي غير فوق النخل
لا تقولوا بربي كيف صار النشيد=سور بيت الكرامه بالقدوم أحتفل
ما شعرنا و حنّا كننا يوم عيد=انشدت كل طوبه بالعماره (وصل)
لو حضر أي واحد بالمشاعر بليد=كان يكتب قصيده ما تخر العسل
فرحتي في قدومه ذاكره تستعيد=صورة أرض(ن)جديبه والمطر ينهمل
احمدك يا إلهي يالحميد المجيد=واطلبك تأجر اللي بالمرض محتمل
وندعي الله يزيدك بالشفا يا عضيد=عن ابويه وأمي وعنني والأهل[/poem]

وسلامتكم

صح لسانك يالذيب >>> صح لسانك ملايين
كلام درر .. معنى ومبنى .. وطنخت راس

كفووووووووووو كفووووووووووووو كفيت ووفيت

ويستاهل الأخ الأستاذ/ عبداللطيف بن سعد
والحمد لله ألف الحمد لله على سلامته

وعساها طهوووووور ورفعة في الموازين