[سنا الهجرة]

المشاركة الأصلية كتبت بواسطة الذيب

ما شاء الله تبارك الله

لو كنت مكان الاخ هاجس ( لوقفت لهذه القصيده احتراماً)

سنا الهجره ذكرتني هذه القصيده بقصيدة الشاعر محمد مريبد العازمي
اللي يقول في مطلعها
أنا حفيد اهل المكارم والاخلاق
لا رددت بعض الكلام العلايق

الله يزيدك كمان وكمان عشان نتعلم منك
ايها الرائع
شاعر و ستين شاعر

وصح لسانك مليوووووووووووووووووووووووووووون

وسام على صدري يالذيب .. لا خلا ولا عدم يالغالي

الشاعر محمد العازمي .. مبدع وله قصايد تنومس >> أذكر له أبيات غزليه جميله جداً يقول فيها

ابتديتك علاقه وانتهيتك غرام *** ومن سقيتك قصيدي وانت بذرة غلا
حتى غنَّت ببستانك طيور الحمام **** وصرت احصدك لبيت الشعر شوق وَّولا

مايمر الغلا الصادق مرور الكرام *** كان ماكتب قصيدي فيك ولا فلا
جيت مثل الغمام ورحت مثل العسام *** كنك المكرم اللي عن دياره جلا

الله اكبر جبرني الشوق جبر العظام **** لين شِرْب السهر مني ليالْ وكلا
روح لا تعتذر والحمل فوق السنام *** منت باول حبيب(ن) عن حبيبه سلا

أخي الذيب .. ما عليك زود طال عمرك .. عطيتني أكثر مما استحق ولكن هذي عادات الكرام
وأحب أقول لك أن الموضوع وما فيه إن الشاعر ( الهاجس) عضو جديد معانا وكانت مشاركته الاولى بقصيده رائعه جداً حركت فيني الهوجاس وحبيت أرحب به وأهديه هذي الابيات المتواضعه وأنا أدري انه يستاهل أثكر لكن الجود من الموجود