[شاعر ثمالي]

ياشين ضيم الليال وشين ميلاتهاا ياشين ضيم الليال وشين ميلاتهاا ياشين ضيم الليال وشين ميلاتهاا ياشين ضيم الليال وشين ميلاتهاا ياشين ضيم الليال وشين ميلاتهاا

للدنيا مرارة مثلما لها حلاوة وهذا معلوم لدى معظم الناس ، لكن بعض الذين يستمتعون بحلاوتها لايتوقعون تغير الظروف وانقلاب الأحوال (حمانا الله واياكم مما تكنه الأيام)
من ويلات والقصيدة التالية حول هذاالمضمون:


[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
من قلك ان الليالي يا فتى ما تميل = اللي مضرّاتها تمحي مسرّاتها
ان كان واثق من الايام هات الدليل = والاّ خذ الكلمة اللي عندي اثباتها
كم نشرب المرّ بعد الهيل والجنزبيل = يا شين ضيم الليال وشين ميلاتها
كم مغتني عاش في الدنيا وراسه طويل = يمشي مع الناس ما يحسب حساباتها
وتدور الايام ويعوّد فقير(ن) ذليل = وبعد الغنى صار مع من عزّت اقواتها
ياكم خسرنا صديق وكم فقدنا خليل = لو تُقبِِل اليوم بكرة شفت صّداتها
كم عين نامت قريرة فالظلال الظليل = ومن بعد حلو المنام تهل عبراتها
ما يستمر السّعد طول العمر مستحيل = في ظرف لحظة تنسّينا حلاواتها
وش عندها غيرنا حتى تصبّ وتكيل = تجري علينا تجاربها وغدراتها
ياالغافل اللي مع الدنيا تحطّ وتشيل = ما ضرّ بعض الخلايق غير غفلاتها
لو عاد من عاش فيها جيل من بعد جيل = قالوا لك احذرمن الدنيا وصكاتها
خل اعتمادك على مولاك نعم الوكيل = ترى النوازل تجي واحسب ملاقاتها
اقنع بما يقسم الله وارض لو بالقليل = والله يخارج من الدنيا وويلاتها
اياك تخرج من الدنيا وحملك ثقيل = والناس تجزى بحسنتها وسياتها [/poem]