[منقاش]

رد: أستراحه مع آفه من ألآفات ... رد: أستراحه مع آفه من ألآفات ... رد: أستراحه مع آفه من ألآفات ... رد: أستراحه مع آفه من ألآفات ... رد: أستراحه مع آفه من ألآفات ...

مشرفنا الكريم ابو خالد , ومشرفتنا بنتنا الكريمه السنافيه : نعم مافيه خلق خلقه الله بهالدنيا ألا ووراه حكم وأسرار , عقلها من عقلها وجهلها من جهلها .
مافيه خلق ألا وله دور مهم في التوازن الطبيعي بصوره مباشره أو غير مباشره , الدور اللي في النهايه يعود بالنفع على هالأنسان اللي أستخلفه الله في ألأرض .
وأسألوا كبار السن كيف كان العنب والخوخ والرمان قبل أكثر من خمسين عام , قبل تجي المبيدات والسميات الحشريه اللي أخلت بالتوازن , وقتلت النافع من الحشرات , حتى تفرد بنا الضار منها وأصبح من المستحيل الحصول على ربع ثمرة هاك الزمان ألا برش مستمر بالسميات للأشجار تبقى آثارها على الثمار اللي تزيد تلحق الضرر بالأنسان والحيوان .
والدبابير هي جند من جند الله المجنده في حفظ هذا التوازن , وانواعها كثيره أغلبها أنقرض , وكل نوع له وظيفه ينفرط عقد التوازن أذا أنقرض .
من هالدبوره المنقرضه نوع رشيق ومسالم , كان يعيش منفرد , وكنا نشوفه دائما يرفرف بأجنحته بحركه منتظمه وهو يمشي على ألأرض , وتلقونه من ضمن الصور اللي على هالرابط , ومكتوب تحته (Spider Wasp) :
http://www.pbase.com/rcm1840/beeswaspshornets
هذا الدبر الصغير النحيل يستاصل العناكب وخصوصا السامه منها (العسوده) , لبينما الدبوره اللي أكبر منه ما تقدر تقوم بالمهمه اللي يقوم بها , ولو أقتربت من العناكب صادتها قبل تصيدها ...