للصبر يا قلبي مسافات وحدود
إليا متى !! قل لي على الهم صابر
ترى الأمل ميت وأنا أقول مولود
(( باقي أمل ! لو الأمل موت باكر!! ))
(( موجود )) ما تعني لك اليوم موجود
كذبة خيال ,, اتقول (( غائب وحاضر ))
وش تنتظر !! كل الليالي ترى سود
الباقيه من ليل غدر الخناجر
وش تنتظر !! سهران والعالم ارقود
أهداب عين الليل ,, صمت النواظر
اللي تحبه راح ولا يمكن يعود
ولو عاد ,, ما ترضى عليه الخواطر
شف حالي بنقصان ما هوب في زود
اتغرغر أنفاسي وجرحي يكابر
مفارق الأحباب ,, تعبان ,, ملهود
حزين وحزني ماله أول وآخر
مركب غرامي تاه ,, في بحر ممدود
حتى تحطم بين الأطلال حاير
جازاني إحساسي بهجران وصدود
وجازيت كل إحساس ,, في حلم عابر
كتبت ما خطيت وحروفي شهود
وأغرقت من دمعي جميع الدفاتر
يا هل ترى ! للصبر يا صبري حدود
أو يا ترى ! صبري بذا الحد شاعر