اقتباس:
المشاركة الأصلية كتبت بواسطة {بعيدالنظر}
[poem="font="Tahoma,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ليلي طويله مساريه=والحلم في غمضة عيوني مشوّه
أغفي دقايق وآتنبّه .. واباريه=انا صديقه غصب لو ني عدوّه
والشعر ماتطلق ضنوني معانيه=وأنا أحسب إني قبل هذا مفوّه
ولا آنبرى للشوق صبرٍ يجاريه=الشوق بحرٍ في هدوّه يتوّه
هذا وأنا قلبي بعيده هقاويه=وليا طرى الماضي يعكّر هدوّه
وادي مواعيدي كثيره مضاميه=شاخص غباره في رجا غيث نوّه
لو ما نجا .. ماله رجا عن تسليّه=والوقت في ماذقت مابه مروّه
ياصاحبي صاحبك كثرة طواريه=دخلت به في جوّ ماهو بجوّه
واليوم ماله عن كثير المشاريه=وآنت الذي تبغى تسويه سوّه
قطعت حبلٍ بين غالي وغاليه=وعمّقت لك مابين الأحباب هوّه
واللي حلاه وزينته .. في تغليّه=اليوم يسكن في مكانه .. خلوّه
القلب طاب وكل جرحٍ مكن فيه=لالاح له برق الغلا . قلت قوّه [/poem]
|
الله الله عليك يا مبدع
بسم الله ماشاء الله عيني عليك باردة
جمال منقطع النظير .. وحبكة شاعر خطير
صح لسانك يا شيخ .. ملايين الملايين
تقبل مروري وعلمي بأنني لن أوفي هذا الجمال حقه
فقط إعتبره تسجيل حظور وإعجاب بهذا الفن الراقي.. ويبقى جمال حروفك فوق تعليقي