[النجم الساهر]

المشاركة الأصلية كتبت بواسطة سنا الهجرة

هذي القصيدة لها قصة .. لعلي أذكرها مع الردود .. الحين ماعندي وقت أكتب .. اسمحولي

بــنــــات هــذا الـوقـــت

[poem="font="Tahoma,5,black,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]

يا باسم الأيام جولات واسجال=يحتار فيها اهل النوايا السليمه
الجو غايم والسما برق واخيال=لو مامطرت متوقع الجو ديمه
والراي دامك تطلبه جاك بالحال=الصقر ما ياكل بقايا شليمه
أنصحك خلك رايق الفكر والبال=وخاوي اصحاب العقول الفهيمه
تاخذ عزيز الشور من روس عقال=صفحاتهم فيها مواقف عظيمه
حنا بوقت(ن) فيه دم الحيا سال=على خدود المرجله والحشيمه
بنات هذا الوقت في كل الاحوال=ياهي عزة نفس .! والا بهيمه
أما عزيزة نفس ما تتبع القال=ما همها لو قيل دقه قديمه
متأدبه. ماقد مشت درب الانذال=وان جات صعبات المواقف حكيمه
والا البهيمه مثلها عشر بريال=لو هي وسيمه ما لها أي قيمه
ويا كثرهم ذالوقت كشخات باهبال=من فضل ربي خير والله يديمه
اللبس راقي والدلع شي قتال=وعلم وثقافه ماش وحده غشيمه
ومتابعين الموضه اشكال واشكال=على خطا التغريب .. لو قِل شيمه
لو كان ينقصها غنى النفس والمال=تموت.! تحضر كل ليله وليمه
وبعض النسا في لبسها شبه رجال=تلقى الرجل (ما تِفرقه عن حريمه)
يا باسم اللي مثلك ايربي اجيال=ولا وقف قدام عزمه هزيمه
قل للبنات ... اللي تبي وضعها عال=ترضى بما اعطاها الولي من نعيمه
وتبتعد عن فكر جهال وانذال=إفسادها في معتقدهم غنيمه
المستقيمه عندهم حالها مال=والمايله في عرفهم مستقيمه
وعلى كثر ما فيه عطال بطال=على كثر ما فيه ناس كريمه
اللي يريد الخير (للخير دلال)=واللي يريد الشر يلقى نديمه

[/poem]

صح لسانك اخي مشرف الواحة

ابدعت في تسلسل الغكرة

وضمنتها صور توضيحية

ومجموعة من المتضادات

التي اعطت صوره كاملة لهدف القصيدة