ليتني طفل!!! ليتني طفل!!! ليتني طفل!!! ليتني طفل!!! ليتني طفل!!!
ليتني طفل(ن) على طول الحياة
لاكـبـرت ولا لـقيـت اللـي لـقيـت
من عنا وهموم واحزان وآهات
من شقى وظنون وحرمان المبيت
ليـتـنـي ومـن الطـفولـه للـمــات
ليتني عقب الطفـولـه ماحيـيـت
أشهد إن دنياي هـذي خـذ وهـات
بس هات أكثر من اللي قد خذيت
الصديق أضحك لـه بسن وشفـاة
لين يسلى مادرى إني ماسليت
من بلي يصبر ويجزى بحسنات
واحمد الله صابر(ن) يوم ابتليـت
مالي إلا رافع السبع سموات
ربي المعبود ماغيره دعــيـت
المشاكل سكرت كل الجهــات
لين حارت خطوتي لامن مشيت
بس أنا قد الهموم الكايدات
قدها وإن أعتزيت لها أعتزيت
التشاؤم راح واللي فات مات
مرحبا بك يالفرح من وين جيت
أشكرك من قلب ياعذب الصفات
بك فرحت وطاب وقتي واهتنيت
يا أمير الكون ياسيد البنات
يابعد عمري تدلل وش بغيت
أنقذ الغرقان ياطوق النجاة
الأمل في طلتك من يوم جيت
واعرف إن (مخاوي الليل)مايبات
ماينام الليل كانك ما دريت