[منقاش]

سعالات بن سلمان :
س1 / عرف عنك الخشونة في القول , وانك لا تاخذك في الحق صولة صائل , السؤال لو اتضح لك ان الصورة اللي ترافق معرف ابو ملاك هي صورته الشخصية , ما هي ردة فعلك ؟
س2 / في زمن كثر فيه المناقيش المنافيش واللي زيهم ما فيش , احيانا يبحث احدنا عن حظوظه في الحياة ويلقاها ما فيش , السؤال من وجهة نظر نقاشه ما هو مستقبل الاسهم السعودية ؟
س3 / لو طلبتك سلفة لين اخر الشهر وش تقول ؟
جوابات منقاش :
الوله قل لاصحابك : بن عزاب وابو عادل وبن داخل وشاعر ثمالي وابو هاشم واقزوز منسم وخلف عبدالعزيز , بذيك لن عتبتوا برجيلاتكم على منتدى الاستراحه لا أسحبكم بهذا الحمار واخليكم عبره لغيركم . يا اللي ما أنا قايل ولخلي فالكم في ثفالكم ...
وبعدين ليش نيتك ما هي طيبه , اليهوديه ما سويت بها شي لا تفتري عليه , الموضوع قتال وبراك .. ويا ويلك يبن سلمان من حرك بن برك اذا شالك وثبرك ........
ج1 : الصوره ما هي شغلك , وثاني مره لا تدخل عصك في شي ما يخصك .
ج2 : الاسهم السعوديه أنتفشت نفشه كبيره ونقشوا ألهوامير المحليين قريشاتها ورايحين ينفشونها وينفخونها مره ثانيه ثم ينقشون قريشاتها وينسمون كل المقرشين حتى ينفرشون على الفراش ولا يلقون معاش وتروح تعوبهم بلاش.
ثم مع العولمه يكرر هواميرنا اللعبه مره ثالثه والا عاشره ويدخل في اللعبه الهوامير العالميين اللي من عيال عمنا يعقوب وينقشون كل القريشات اللي نقشها وانتفش بها المنفوشين من هواميرنا ويستوي بعدها كل المنتفشين ألأولين والأخرين وتروح القروش لمكانها واهلها اللي يعرفون يناورون بها ويحفظونها.
بعد كذه يموت بحسرتهم كل المنسمين اللي راحت قريشاتهم ويسألون .
مالك من أين أكتسبته وفيما أنفقته ؟؟ وليش تشتري أسهم محرمه والا فيها شك ؟ وليش تدخل على حلالك حرام وتاخذ قروض البنوك ؟ واسئله لها أول ما لها آخر...
ويا خساره على عبد الدينار والدرهم اللي لا كسب دنيا ولا اللي كسب آخره وتحرى الحلال الا برحمه من الرحمن الرحيم شديد العقاب .
ج3: أبشر أسلفك حماري تحتطب عليه وانت أشتري لك فأس بفوايد خمسين في الميه الشهر واحتطب مع الحطابين يسير كدك ومكاسبك تروح عليك فوايد ربويه وتعود عبد للمرابين بعد الحريه.