[منقاش]

أخي أبو ملاك : من قال أنك والا أحد من المشرفين يعين اللي بعدي ؟؟.
اللي يعين اللي بعدي هوأنا وانا فقط , وهذا حسب ألأتفاقيه :
7- سيتم اختيار 3 اشخاص لللتصويت على واحد فقط ويتم اختيار الثاني من قبل الاول .
طبعا يمكن أرشح رويعي الغنم مثلا , ورويعي الغنم يرشحني , وانا أزيد أرشحه وانت رايح , سنه سنتين ثلاث , ما هو شغلكم , هذا حسب الشروط اللي شرطتوها وانا ما خرجت ولا أنا رايح أخرج عنها ..
رجائي أنكم تلتزمون باللي نتفق عليه بدون تدخلات غير قانونيه ..
سيد الرجال ابن ابي محمد : اشكرك على علومك اللي قلتها فيه ولا به زود عليك , وسريتني يوم هزأت ابن سلمان حتى ثاني مره يمسك ماه في سماه ولا يخرج من حظيرة القبيله ...
نعود عليكم ياثماله :
لاتؤاخذوني كنت مشغول عنكم كما قال لكم ابن ابي محمد مع الصحفيات , والله لا يبلاكم باللي سار عليه , والعلم ما هو زين بس خذوه :
أول شي أنصحكم الفطس لا تاخذون ولا تعطون معهم يسير لكم بعدين اللي سار على منقاش .
كنت موقف مع الصحافه واحاول أقلد عبدالعزيز الحكيم اللي شفتوه مع بوش ومرته .
رفع الصحفين أيديهم يبون يسعلوني وشفت وسطهم حسناء صينيه وقلت خلونا نميلها على الفطس ونشرق بعد غربنا ,,, المهم قلت لها أقتربي قدام أتسمعك من قريب ,, أقتربت وكمرات التلفزه أجهرتني واذ قلت طفوها عني ما أحد يرد عليه ..
أقتربت فطيسه أمتار وقلت لها أنت من أي القبايل , وكم عمرك ؟؟ قالت أنا من قبيلة الصين وعمري 25 سنه .. قلت لها ونعم بك وبرفاقتك , تفضلي سعالك وش هو ؟
قالت ليه ما تشترون منا يا ثماله مفاعل نووي تسوون عليه القرصان وتطبخون عليه ذبايحكم وتحمون ماكم وعيشتكم؟؟
هي قالت ها لكلام ؟ وانفلت عليها , تبون تورطون يا صوانيه وتلوثون ديرتنا تحسبونا بهم والا ثيران ؟.. نحنا جمال اذا قامت قامت واذا بركت بركت .
وارمي بمشلحي وخطام حماري ورايه واهدر زي الجمل واجيها منحاش , الا وهي منحاشه يمي وتشمر في قميصها .
أقتربت منها ولا عاد تسألوني , أثر الماخوذه تلعب كراتيه . وطاحت فيه ضرب وركل وتبقيس وانا مثل الخرقه والا الكوره مره تشوفني تحت الكراسي ومره على طاوله ممدد وراسي يدلح وتلاليني تسرب من فمي ومره تسحب فيه بواحده من رجيلاتي بين الصحافيات في الممرات وهم لهم كره عليه ويصورون فيه واللي أسمعها تقول هذا أنيمل , أظن معناها جمل.
ولا أفتكني منها الا رويتر وتاس .
ودوني بالأسعاف للمشتشفى ولقيوا خشمي مكسور وجسمي كله لدوم وكدوم . لا حالكم بحالي , خلوني أرتاح الليله تروني على المسكنات . واكريعناتك يا منقاش , وا عضاريطك .
ليت اللي جاك جاء لبن سلمان..