اقتباس:
المشاركة الأصلية كتبت بواسطة سنا الهجرة
حسن .. زميلي في العمل وصديق عزيز على قلبي جداً ..
سافر للعلاج في دولة ( التشيك ) وكان يكلمني من هناك وانا بصراحه كنت مقصر في اتصالاتي معاه
وكان يلومني على تقصيري ,, ومعاه حق
ردي له كان بهذي القصيدة القصيرة في أبياتها الصادقة في معانيها.. واتمنى انها تشفع لي عنده عن تقصيري
[poem="font="Simplified Arabic,5,black,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]
ياحسن ما كل غايب ينذكر لو غاب صوته=وانت ذكرك ياحسن ما غاب مهما البعد طوَّل
لك من الطيب اطيبه ومن الشعر أجزل بيوته=لو تسافر، لو تلف الارض، لو تبطي تجوَّل
نتصل، ما نتصل، من كان مثلك ما يفوته=والله انك راعي النخوه من الحين ومن اوَّل
ما يفرق بين من حبك وبينك غير موته=حب شرواكم من الاجواد ثابت ما تحوَّل
شوف كيف ان الجبل ثابت وشامخ في ثبوته=من ثبوته ياحسن حبك وَسَطْ قلبي مخوَّل
[/poem]
|
صح لسانك ياشاعرنا
سنا الهجره
سبحان الله احسست بصدقك من اول بيت يعلم الله
وماشاء الله على الصوت الرااائع
بيض الله وجهك يابو عبدالله
وعسى عمرك طويل