ماشي على نية الإسلام ماشي على نية الإسلام ماشي على نية الإسلام ماشي على نية الإسلام ماشي على نية الإسلام
الحمد لله على فضلـه وجـوده كل ما أمسيـت
وكل ما أصبحت والسرحه وفي وقـت الظهيـره
أبـدع جديـد اللحـون ولا بخلـت ولا توانيـت
ماشي على نيـة الإسـلام وأحسنـت المسيـره
لكن بعض العـرب ما يعرفون الماء من الزيـت
أصحـاب وأنظارهـم من يمنـا دايـم قصـيـره
تبـرق وترعـد سحابه مستمره حسب ما ريـت
ترعـد على دارنـا والسيـل عـنـا راح ديـره
رفسة بعوضه على قول المثـل ما تهدم البيـت
ولا يبـي ينقـص المكيـال من حبـة شعـيـره
الحمـد لله من فضلـه تغـديـت وتعـشـيـت
مانـي على صبة العبـاس جيت أعمـى بصيـره
يا هابط السـوق يوم إنك مع الديـره تحاديـت
من شان من شان وإلا رحـت من شان العقيـره
ناديت بالصوت الأعلى وأنت شق الدار ما حيـت
أختـم بها جابتـي مانـي مبيـح في السريـره