[^كآبتشينو^]

قال: تبكي !
قلت: وابكي ..
واتهور بالبُكا لين تعفي..
ولين ما يعلن خفوقك لي سلامه..
تحت رجليك الكرامه !!
قال: تبكي !
قلت: وابكي ..
تدري يعني ويش (وابكـي) ؟
واو: عطف وحزن واشياء بشعوري...
تكسر العز بحضوري...
وفعل أبعد ما يكون اسمه: مروّه..
بس بـ (ابكــي) لك.. بقوّه..
يمكن تحس (الأخوّه)!
قال: تبكي!
قلت: وابكي...
البُـكا لعيون خيك.. ياوخيك.. ما يعيب..
كان ما عزّك عليها.. وحطك بقدم الربوع..
لا تخاف من الرجوع..
يا قطوع:
سنبلت عيني دموع..
واطلعت لك (حُب) صافي..
كان قاله رب خلقه: ماتجوع !
قال: تبـكــــــــــــي ,,,
قلت: وابكـــــــــي..
| والله اني مابكيت الا عشانك.. مرتين..
مره بشوفة جبينك من سنين :
يوم فقت من المرض بيدي مغذّّي
التفت اعدّل قياسه.. وشفتك..
عالبلاط البارد الموحش تعب..
نايم ٍ نوم متوذّي..
نايم ٍ نومة حزين...
والثانيه : هاللحين !!
قال: تبكــــــي!
قلت: وابكي..
ليه ما ابكي ؟
وانت كل الناس.. يالغالي..
أمي وابوي.. وعمي وخالي..
وانت الجمل..
اللي تواسى للثقال..
كل الحمول اللي عجز عن حملها رجّال..
قد شلتها فرد وجموع..
لعيوني لحالي..
وليه ما بكي .. وانت تفديني...
وانا بعد مثلك فداك ...
وان ما كفيت اورّث عيالي!!