[البروفيسور]

ان كان ماتفعل فعول الذيب وفعول الصقور
وتاخذ صفات السبع والخيل الأصيلة والنمر
وتسير مثل الزهرة اللي زانها لون وعطور
وتسير مثل النايف العالي واشدّ من الحجر
وتسير مثل الغيث لاهلت هموله فوق بور
يفرح بك المحتاج واللي تحت مجلاد الفقر
ويسير دور الحق عندك سابقٍ عن كل دور
تصدع بكلمة حق يغلب نورها نور القمر
وتحفظ لسانك عن مجارى خبْل والا قول زور
وتْحفْظ تعبيرات وجهك عن غرور وعن كِبِر
وتحْفَظ صداقة صاحبك لوجاك في بعض الأمور
ولايروح وخاطره مكسور والاّ به كدر
وتكون في الدنيا على ماصابك ونالك صبور
وتومن بأن الله يعين المستعين الياصبر
هذا وانا ماانسى ان بعد الفانية بعث ونشور
وانك ولو طالت حياتك تحت مخلاب القدر
اما كذا والاّ يسير الفار في وسط الجحور
أرفع مكانه منك حتى فالمراجع والسِّيَر



الله عليك ,, يابو عادل ابدااااااااااااااع ليس له حدووووود...

تقبل اعجابي بهذه الشامخه ..