[منقاش]

عليكم السلام ورحمة الله وبركاته , وسالم وغانم , وكثر الله من أمثالك يا حليفي , وبيض الله وجهك ووجيه خوياك الغر الميامين .
وبدون مجامله , باين أنه لولا الله ثم قيادتك الحكيمه اللي أستلهمتها من توجيهات بدر الدجى وشيخ مشايخ المنتدى , والا ما كان نجحت الرحله هذا النجاح الباهر المنقطع النظير, ولا كان عود الرحالين من جبال وهضاب وأودية اللوز .
ومن كان يدري لا يضيعون الدروب والمسالك ويقعون لا قدر الله في المهالك , ويتوهون فيها توهان مثل تيه بني أسرائيل اللي أستمر أربعين سنه؟؟؟ ..
وقبل أنسى , ترى بعض خوياك في الرحله خونه , لأنهم تحيلوني وحاولوا يبلصون أبو نقشه , لعله يعين كم واحد منهم مساعدين لك حتى يدخلون في رز الرحله بصل وربما دهن (من شجرة الدهن) .
لكني قابلت محاولاتهم كلها بالتوبيخ والرفض , وفهمتهم أن أملهم في دهن سيري والفوز بمنصب المساعدين لك , مثل أمل أبليس في الجنه .
وزدتهم من الشعر بيتين بالثناء عليك , وتذكيرهم أنه لو كان في هذا الزمان المقعقع قعقاع , فحليفي أبو سيفين هو قعقاع ثماله خاصه وأهل الطايف عامه بل والجزيره العربيه كلها من أطراف سواد العراق حتى عدن اليمن , ومن جده اللي فيها بحيرة المسك غربا حتى دبي اللي تطاول أهلها في البنيان شرقا .
وذكرتهم كذلك ان اللي مثلي ومثلك ماهو في حاجة لمساعدين يضرون ولا ينفعون .
أما ما بعد :
بخصوص تسلق الفريق للجبل أو بالأصح للهضبه , فلا أرى لوصف حالهم , أبلغ من ما تشاهدون في هالصورتين أدناه :








بخصوص البليه أو الداهيه اللي طالع من تحت ألأرض (اللي سميتوه ألأذنون واللي نسمي ولد عمه عندنا ب...؟...الوادي) , هذا البليه , يوم شاهدت صورته اللي ألتقطتها كمرتكم المبدعه , تذكرت المثل اللي يقول , ياكم تحت السواهي من دواهي ..
والكلام يطول يا حليفي , لكني أحب أتجنب ألأطاله واختتم هالمداخله , بسعال ربما يجي جوابه في مقبل الحلقات , عن جبل اللوز والسواد اللي يعتلي قمته؟ , وبالسعال عن المحل الثاني , أبو عيون ورادف يعتليه ؟؟, والجواب يكفي فيه ألأشاره , أن كان ألتفصيل فيه من الموانع ما يمنعكم , ودمتم , وشكرا لكم ...