[منقاش]

حليفي الوفي زعيم الرحالين الشيخ أبو سيفين سدد الله خطاه ونصره على أعداه : أنا داخل عليك يبن عمي تفكوني من الطرثوث ألأحمر والأبيض, أنا من يوم شفت العفن مسدوح على ألأرض جنب أخوانه تشاءمت منه , وكرهته وكرهت الساعه اللي شفته فيها.
لكني يوم لاحظت بعض ألأخوان الله يسامحهم يثنون عليه , عرفت أن سد الجبل حنشان سود ماهو حنش واحد , وقلت في نفسي , ليه يا بدر الدجى ما تسوي لك بالون أختبار ؟؟, حتى تعرف بواسطته على الموالين لك , وتعرف النواصب النصابين اللي يناصبونك العداء .
يعني الحرب خدعه , وأحيان كثيره ينقلب السحر على الساحر .
ولجنة الطرثوث اللي شكلناها تحت رئآستكم الكريمه , نبيها تنضبط بتوجيهاتنا الحكيمه , ونبغي ريس اللجنه يوريهم العين الحمراء , ويطرد أي عضو يخرج عن الطاعه أو يصدر منه أي هرطقه لا قدر الله , وفي نهايه المطاف نبغي اللجنه ما تركب راسها وتصدر قرارات فرديه أو جماعيه ما عرضت علينا وصدرت فيها موافقتنا ..
وأذا كان ولا بد , وفرد حمزه لابد ثاير ثاير , وحشكت معكم وبشمت , وقررتم تخلعون لقب الطرثوث على ضحيه من الضحايا , فأنتم وقتها في سعه من أمركم , والدنيا يا ربعي يسر ماهي عسر , وبأمكانكم وقتها تخلعون هذا اللقب على المخاوي دون الرجوع لمعالينا , وترونكم ماجورين ومشكورين وبالخير مذكورين , والبيض تغشاكم.
أما تصريح حليفي العمده , المقداد بن ألأسود , فهو مجرد تصريح يمثل الحبل اللي يربطون به بالون ألأختبار قبل يطلقونه في السما , يعني الشغله كلها خدع بعضها من ورا بعض , مثل البقر يوم تسرب وهي ضاويه والا سارحه للحمى , وكل ما قذمت خدعه ظهرت قرون خدعه جديده أطم من أختها اللي سبقتها .
وبعدين , ويش الكلام اللي أسمعه منك عن العمده ؟, العمده , على ميقافه , مثل جبل اللوز اللي مشبك على راسه , وممنوع الوصول له , وما يتحلحل عن مكانه , وان خرج من المنتدى كلنا خارجين معه , وسلامتكم ..