[صقر الحجاز]

[quote=البروفيسور;421346]زي لون الطيف والوان الفـراش ** الهنوف اللي شغلني صــدها

ان بكت جا دمعها مثل الرشـاش ** وان تبسم ثغرها من قــدها

وان حكت كن بشفايفها رعـــاش ** الخجل عن سالفتها لـــدها

والطيور اللي جفت حضن العشاش ** ليتها خلت بقايــــا ودها

عقبها كل الغصون امست نشــاش ** خاليه عقب الوناسه خــدها

كل قلبن في ذراه الحب عـــاش ** فيه طيبه زايده عن حــدها

والقلوب ان فارقت صارت هشـاش ** موحشه والذكريات تشـــدها

رفرف البرق وزمت بيض الدشـاش ** ومتلا من صافي الما عــدها

مابنيت بيوت شعري من قشـــاش ** ليه اخاف ان الرياح تهدها

والهجوس اللي من الفرقا عطاش ** ترغب نجوم السما وتعــدها

يوم شق النور من ليل القمـاش ** شفت حبة خالها في خـــدها

القصيد لمثلها ولا بـــــــلاش ** لو تبي عمري حشى مــاردها



للشاعر المبدع / متعب التركي المطيري..