[منقاش]

منقاش .. يراجع نفسه منقاش .. يراجع نفسه منقاش .. يراجع نفسه منقاش .. يراجع نفسه منقاش .. يراجع نفسه

السلام عليكم ورحمة الله وبركاته

وصبحكم الله بالخير ، ومساكم الله بالخير ، كلن حسب وقته اللي يناظر فيه الحين موضوعي ذا .
وأنا ألصراحة بغيت أقولكم شي بنفسي من زمان .. لكن ظروف المكان والزمان ماكانت تسمح ، والآن قلت لابد أن أقول لربعي وجماعتي اللي في قلبي وخاطري ..

و هاجت في نفسي هل اكتب في هذا الموضوع مثل ما اكتب عن ألهوام في القسم العالمي قسم الحياة الفطرية ،و اللي في بعض اللي ما يسموش يقولن عني أني طولتها ومصختها لكن ما حسبت لهم حساب ولا زمام

ولكن لظروف المكان والزمان سأكتب الموضوع بأسلوب جديد يناسب العصر ويناسب رواد الاستراحة في وقتها الحالي بعد ان تم الاستيلاء عليها من الصبايا ،
وأنا مثل ماتعرفون رجال كبير بالسن وعلى مشارف الثمانين وإذا كنت موجود اليوم فبكرة الله أعلم . صح ولا لا ؟؟
( صبر بس امسد رجولي تعورني من كثر النوم ) المهم .مثل ما لا يخفى عليكم ( صح كذا قلتها ؟!! ) أني من ساعة ما دخلت هذا المنتدى وأن أشوفه يكبر كل يوم وانتشاره يزيد في أرجاء الأرض وهذا شي طيب ولله الحمد والمنة ، وهذا بفضل الله ثم بجهود الأخوان كلهم من كبيرهم إلى صغيرهم وعلى راسهم المشرف العام أبو عبدالرحمن .. وعلى قولة أهل النيل الشمالي ( الحلو ما يكملشي ) فأنا حبيت أقول لكم وصيتي الاخيرة وليست الآخرة لأنه احتمال بعد كم يوم أطلع شي جديد واعلمكم عليه ، فأنا قلت يا ولد الحق قول الكلمتين اللي عندك وخلص ذمتك

يا أهلي وجماعتي وعزوتي .. أنا ألصراحة فكرت في الدنيا ذي ولقيت إنها ما تسوى شي ، ولا تستاهل أن الواحد يزعل أصحابه وأخوانه خاصةً اللي لهم وقفات وصولات وجولات ، وأن إبليس ( أعوذ بالله منه ) يحب يفرق بين الأخوان والخلان ..
عشان كذا أن أعلنها صريحة اليوم وعلى الملأ أني قد شلت كل اللي في قلبي من حقد وحسد وبغضاء وشحناء وتخطيط تعبان عن الكل عموما وعن أخي وحبيبي وصديقي وخويي مخاوي، اللي عرفت قيمته وكرمه أكثر وأكثر كل يوم .. خاصة اليوم اللي جابلي فيه الزيت والتمر ( عز الله ما قصر ) وعرفت شجاعته وقوته يوم كنا مع بعض وكنا رايحين مدري وين ، وقابلنا ذاك الليث المخيف اللي لما شفته ما قدرت اقفل فمي من الفجعة ورجولي تجمدت في مكانها وعيني بغت تندر من حقها ( بضم الحاء وسكون القاف بلهجة أهل مكة ) وما دريت الا ومخاوي يهجم على الليث ويصاوله ويجاوله ويطرده عن المكان ، ذيك اللحظة حسيت الدم رجع في جسمي وقدرت أتنفس طبيعي ، ومخاوي ماسك العصا بيده ويتوعد الليث إذا شافه يوطوط هنا مرة ثانية انه يخليه من غير شنب ، عاد أنا تذكرت هالقصة وليتني تذكرتها من زمان ، وقلت لا تترك مخاوي و لاتفارقه
وخلك خوي مخاوي طول العمر ولو سوا اللي سواه فيك
مهما يصير مخاوي راعي الفزعات والنجدات
عشان كذا أنا أعلنت هذا الكلام قدام الجميع عشان يشهدون ويعرفون اللي صار واتوقع أنه لازم يجي حد يعكر هالصفو اللي بينا ويقول كلام من هنا أو هناك ، لكن خلوها كلمة عندكم ان هذا الكلام نهائي وقاطع ولا يمكن تغييره من أي أحد حتى لو مني أنا شخصياً ، تخبرون اني رجال كبير بالسن ويمكن بعد كم مشاركة في هذا الموضوع تجيني حالة فقدان ذاكرة وأنكر هذا الكلام ، عشان كذا هذا الكلام قدامكم واعرفوه .
وسلامتكم