[ابو عادل]

عوض بن سلمان وعيضة بن مساعد /مساجلة عوض بن سلمان وعيضة بن مساعد /مساجلة عوض بن سلمان وعيضة بن مساعد /مساجلة عوض بن سلمان وعيضة بن مساعد /مساجلة عوض بن سلمان وعيضة بن مساعد /مساجلة

بسم الله الرحمن الرحيم

هذه المساجلة كانت بين شاعرينا الكبيرين الشاعر /عوض بن سلمان

والشاعر/ عيضة بن مساعد حفظهما الله وكنت جاضراً فأحببت نقلها لكم

لمافيها من قوة المعنى والمبنى أرجو أن تنال استحسانكم.

كانت البداية عند الشاعر/عوض بن سلمان بهذه القصيدة:

[poem="font="Simplified Arabic,5,black,normal,normal" bkcolor="transparent" bkimage="images/backgrounds/65.gif" border="solid,4,gray" type=0 line=0 align=center use=ex num="0,black""]أشرح لكم قصة خفيفة محلاّة= وابدي بها لاهل الوجيه السميحة

حلمٍ حلمته واعرفوا ويش معناه=حلّوه وابغا الجابه اللي صحيحة

نعمة من الله جات والحمدلله=لقمة هنيّة كنّها الاّ ذبيحة

بغيت صاحبنا يفتّح بعيناه=لايمشي الاّ في الدروب المريحة

حين انطلق وليا عيونه مغطّاة=وليا بجنبه سيّدة مستريحة

الوجه الأملح واليدين المحنّاه=غطّي جمالك بالرّدا ياالمليحة

قال الولد نبغا نشوف المباراة=وامي معي ياشيخ ماهي فظيحة

نصحته يهدّي عسى الله يهداه=لكن أبى يرضى معي بالنصيحة

عز الله انه مر يوم الله اعماه=يضرب بصدّامه فذيك الصفيحة

هذا الذي جابه وهذا الذي جاه=واركن على مركاه وامّه تصيحه

وانبتّ ساقه وانكسر عضد يمناه=وامّه تلف جوّالها والشريحة[/poem]

فكان الرد من الشاعر /عيضة بن مساعد بالقصيدة التالية
[POEM="font="Simplified Arabic,4,black,normal,normal" bkcolor="transparent" bkimage="images/backgrounds/65.gif" border="solid,4,gray" type=0 line=0 align=center use=ex num="0,black""]
الحلم هذا علم والعلم معناه=ترى الذبيحة في صحنها نطيحة

في شرقها في غربها في يمنّاه=في شامها يقلون هذي فديحة

الفارس اللي من محلّه مجنّاه=ثالث ثلاثة واذهب الوقت ريحه

فيما مضى عنده ركابٍ ثنّاة=قدّام ببه فالحزوم البريحة

واليوم مابه عاد هيلٍ وبنّاه=العدّ قفّى مابقي الّ القريحة

امدغثرة منّا ومنّا ومنّاه=والطرش صدّر والبقايا منيحة

فسّرت انا حلمك بخرصٍ وظنّاه=والعالم الله وش بقي في سبيحة

الّ شياطينٍ من انسٍ وجنّاه= اتقرّب المومن من اكبر قبيحة

وان كان باقي شي منّا تمنّاه=الوقت قاسي والليالي شحيحة

من لاوصلنا بالخبر ماوصلناه=خلّ المسيحي يقتدي بالمسيحة

لأنّها شكله ومثله وشرواه=بابٍ تفكّه له وبابٍ تليحه

ومن لاتغدّى الخصم خصمه تعشّاه=أظن مايصلح ولاله صليحة
[/POEM]