متعب والعرابي متعب والعرابي متعب والعرابي متعب والعرابي متعب والعرابي
اقتباس:
المشاركة الأصلية كتبت بواسطة متعب عطالله
استلم يالعرابي
هلا يامرحبا عد الخيال الي زهمً وأمطر
يسوق الغيث والدار الدهر زيًن مناضرها
تولم يالعرابي بعد ماجاك الطلب وأحضر
انا برضيك وأهل المنتدى نرضي خواطرها
اقتباس:
المشاركة الأصلية كتبت بواسطة عبيدالله العرابي
لعل إلك البقا يالشاعر اللي مظهر ومخبر
عدد ماقلت والدنيا بمسلمهـا وكافرهـا
انا ماني بعيد وكل طيب للعـرب يظهـر
ولا منّك رضيت الناس مرتاحه مشاعرها
اقتباس:
المشاركة الأصلية كتبت بواسطة متعب عطالله
انا ربعي هذيل الي لها بين العرب مصدر
بلازودنً على العربان غايبها وحاضرها
ترى بحر الخليج امواج ماكلنً بها يعبر
لكن الشمس تبدي والعلوم الله يدبرها
اقتباس:
المشاركة الأصلية كتبت بواسطة عبيدالله العرابي
أنا اقول ونعم مير آنت يانايم متى تسهـر
عسى الله يرحم اللي يالسعيدي في مقابرها
جمعت وجبت مفرد يالهذيلي والزمان أغبر
عسى الهذلان ربك كل ماضاقت يصبرهـا
اقتباس:
المشاركة الأصلية كتبت بواسطة متعب عطالله
عروق الماء تجيك امن الصفا والناميه تثمر
لكن احسب حسابك والمعاني من مصادرها
انا ماقولك غير انتبه ياصاحبي وأحذر
وخلك من بعيد النار لا ياكلك ساعرها
اقتباس:
المشاركة الأصلية كتبت بواسطة محمد السناني
بسم الله الرحمن الرحيم
السلام عليكم ورحمة الله وبركاته
المحاوره التي دارت بين الشاعرين محاوره قيمه
ومتناسقه بالالفاظ وافكار الاهداف والتركيب السليم
على نهج الشعراء القدام من ناحية البحر وانتقى الكلمات
واجده محاوره تنبئ عن شعراء لديهم موهبه شعريه
واتمنى لهم التوفيق وانارهم في مراحل متقدمه
صح لسانك ملايين يامتعب
لله درك ياعبيدالله يالعمله الصعبه