[خلف بن عبدالعزيز الثمالي]

المشاركة الأصلية كتبت بواسطة حامد عبدالله الثمالي

الشاعر / حامد بن عبدالله الثمالي


[poem="font="Simplified Arabic,4,darkred,normal,normal" bkcolor="transparent" bkimage="" border="none,4,black" type=2 line=0 align=center use=ex num="0,black""]

هلا عد السحاب اللي همل وبله وسيله سال=هلا والفن هلا باللي كلامه يشرح البالي
ابا رحب واهلي بالشعر والشاعر المدلال=بفهاد العتيبي واشكرة في كل ما قالي
صدق حماد شيخ وولد شيخ وماقفة لازال=وولد الشيخ شيخ ولا عليه خلاف وجدالي
هذا عند القبايل كلها من سابق الاجيال=على ماقيل قوماً مالها اول مالها تالي
وابوة امن اول الله يرحمة ضلى علينا ظلال=زهى خمسين عام اوهو علينا درع وظلالي
اخذ واعطى الحقوق الصايبات وحل بين رجال=وفي وقت اللوازم دون ربعه يرخص الغالي
وياكم شال عنهم من حمولٍ كان ما تنشال=حمولٍ مالها بين العرب جمال وجمالي
شهد له فالمواقيف الصليبه نازح المنزال= ولامنه حكم بين العرب ماهو بميالي
عسى قبرة فريضان الجنان ومنزله فالعال=فعالي جنة الفردوس بامر الواحد الوالي
هذا قولي وغيري من يقوله والصحيح يقال=وهرج الصدق سيفٍ صيرمي صاروم قتالي
نقول الصدق لو الروس من فوق الرقاب اتشال=ولو ارواحنا راحت وراح الحال والمالي
كلام الصدق مثل السيل يوم يفرُع المسيال=من اللي يعترض للسيل في دربه ليا سالي
الا يا جاهلٍ تجهلك بعضات المعاني سال=ترى ماهو بعيب اتروح لاهل العرف وتسالي
يدلونك على الدرب السليم ويسهل الميصال= لمبلاغ الهدف ويسير قلبك دالهٍ سالي
ترى الرجُال ما يعرف بملبوسه وكثر المال=ترى الرجُال يعرف بالصلاح وطيب الافعالي
وهذا رمز للرجُال في رجُال عن رجُال=كما نبت الشجر ما كل شجره طلعها حالي
الا يامن تعيش بهالزمان ان كان عمرك طال=تشوف المعجزات من الزمان الوان واشكالي
يسير اللي شمال يمين واللي فاليمين شمال=وتبدي لك بوادي كان ما تطري على البالي
هذا فعل الزمان ان قر يوم اليوم الاخر مال= كما فيُ الجبل لو قر ساعه بعدها مالي
الا يالله يالمعبود تجعل للعقد حلال=وتكفينا الحسد والبغض واهل القيل والقالي
وصلى الله على محمد عدد ما همل الهمال=وما لاحت بروق ومارزم للرعد زلزالي

[/poem]

كفو ياحامد
صح لسانك
وعزّ الله إنها من عيون الشعر يا خالي
ومن شاعر له وزنه ,وشاعر تؤخذ الحكمة منه

دمت بخير,وعافية