[منقاش]

عليكم السلام ورحمة الله وبركاته , وبيض الله وجهك يا ابن همام , وبيض الله وجه عميد منتدى الحياه الفطريه اللي نبهك لسؤال محبينك عنك , واشتياقهم لعودتك , وبعد :
يا حليفي الهجر جفا , ومن غاب عن العين كان عن القلب أغيب , وأنت رجال ركن ركين من أركان منتدى الحياه الفطريه , ما نستغني عن مشاركاته , أو على ألأقل طله من طلاته كل يوم أو يومين مهما كانت مشاغله ..
بخصوص ألأوسمه والنياشين أطمئن , أنا بصفتي المشرف على كل المشرفين بما فيهم المشرف العام, منبه على أبو عبدالرحمن من زمان , أنه لا يقترب من نجومك ونياشينك لا بالزياده ولا بالنقصان , والدليل , شوفك يبن عمي مجمد لك سنتين على نجمتين , والرجال غيرك دهنوا السيور وعلقوا سبع وست نجمات , وعندك ابو نقشه شوفه معلق أربعطعشر نجمه , سبع ظاهره وسبع خافيه ..
بخصوص حبك في قلب ابو نقشه فهذا مثل الجبال الرواسي اللي ما تحلحل ولا تزلزل , ومهما أخذ منها مايبين النقص فيها , لكن غيابك كان يبي يتسبب في أحتجابي وأضرابي عن الكتابه تضامن معك وهجر للدار اللي يهجرها حليفي العزيز على نفسي الحارث بن همام ...
بخصوص حجر القرده , أنا متأكد أنه ظاهر ظاهر , لكن على يد رجال البلديه بعد ينفذون أوامر هدم وأعادة تخطيط ألأحياء والبيوت العشوائيه , خصوصا المنازل اللي أهلها أعتدوا على الآثار ونزلوا عليها , حتى لو كان المعتدي المقداد ألأعظم بشحمه ولحمه ..
أما تهديدات ابو تركي وحليفي المقداد بتصوير ألأمحوه , وجلبها حيه , فالأيام بيننا والبحر يكذب الغطاس , وخلنا نعيش ونشوف , هم اللي يقدرون ينفذون وعودهم والا أبو نقشه؟؟؟؟ ....
والختام , أكرر شكري لك وللشيخ سلام على تفاعلكم واستجابتكم لصرخة ابو نقشه , وجبركم لخاطره بعودتك لحظيرة ربعك , والله أكبر على كل من طغى وتجبر , وهجر منتدى ربعه مهما كان عذره , حتى لو كان الشيخ هلال ابو ليله بجلالة قدره ...