بسم الله الرحمن الرحيم
صباح الليل جميعاً .
..وش أخباركم طيبين وإلا بخير؟
إن شاء الله الكل تمام... (أخلص علينا وش تبغى؟)
أبي أقول لكم سالفة وقصه صارت معي أنا وأستاذ اللغة العربية لمادة النحو
وياليت اللي عنده أي موقف ( مو موقف سيارات) يكتبه لنا لا تنسون .
المهم هذي القصة أخذت جائزة نوبل لفنون الهستره الخفيفه عام 2001م
وفازت بجائزة أوسكار للعلوم الهستريه عام 2004م (لحظه .. لحظه.. لحد يصدق تروا أمزح)
الزبده خلونا نبدأ لان الوقت يداهمنا (حركااااااات... يداهمنا)
فالوقت كالسيف إن لم تقطعه رفسك
يلا خلاص بدينـــــــــــــــــــــــــــــا
القصة الله يسلمكم إني يوم كنت في الثانوية زمااااااااااان (اليوم صرنا كبار
)
ماكنت أحب أي شيء يتعلق باللغة العربية...لانحو ...ولا أدب ...ولا تعبير ...ولاأي شيء له علاقة باللغة العربية
لأني كنت أتعقد منها (سلامة قلبي....الله يسلمني)
المهم كنت في صف أول ثانوي وكان كل يوم ثلاثاء عندي يوم القلق العالمي
والسبب لأنه كان عندي الحصة الأولى نحو والثانية أدب والنكبة إنها نفس المدرس (اكتملت الرصه)
فكان يجيني في ذاك اليوم إلتهاب في الساقين من كثرة الوقوف وشد عضلي في الجفون من كثرة النوم
(هذي من الأمراض المستعصية)
المهم إن الأستاذ كان دائماً يسأل ويعطي مشاركه ويخصم ، بس ما كان يسألني إلا نادرًا لأنه يدري إن ثقافتي فرنسيه
(إيه.... بــــــــاين)
والمشكلة إذا سألني أقعد ساكت احترام له مهوب عشان إني ما أعرف الاجابه (يا
على الاحترام إلي خلاني أعيد دور ثاني في النحو)
وكعادته كان كل يوم ثلاثاء يصبح علينا بوجهه المنفوخ
أقصد البشوش
وفي يوم من الأيام كنت مسرح (يعني قاعد أفكر) وماني مع الشرح
فجأة إلا والأستاذ يقول : أنت ياإللي في الأخير
يقصدني لأني كنت في آخر طاوله (كنت زاحف.... حبتين)
انتبهت للأستاذ يوم ناداني وألتفت ورى كأني ما أدري إنه يقصدني والمشكلة وراي ما فيه أحد إلا الجدار (من جد غبي
)
وقلت له: أنا
وقال : إيه أنت ... وقف (ياليل ما أطولك... وش يبي ذا على الصبح؟)
المهم وقفت وسألني سؤال سهل بس أنا ما كنت أفهم ولا أنتبه معه
وأذكر السؤال يقول :
عطني جمله فيها جمع مؤنث سالم؟ (باقي تذكر السؤال؟...قولوا ماشاء الله)
الزبده أنا تورطت ، وقعدت أعدل في الشماغ وألتفت يمين ويسار أبي فزعه أبي واحد يغششني ،بس مافي أمل
عرف الأستاذ إني ما راح أجاوب على هذا السؤال
واضطر إنه يغير السؤال إلى سؤال أسهل (من سيربح المليون!!)
وقال : عطني أي جمله تعرفها؟
وبدون تردد عطيته الجملة المعروفة
" أكل الولد التفاحة"
قال: ممتاز يا بطل
، يا شاطر
..... عطني جمله ثانيه (أنا تحمست)
وقلت: " أكل الولد البرتقالة" (مسوي جبت شيء جديد
)
قال: لا ... غير أكل
قعدت أفكر وأحاول وأعصر مخي إلي كله معلومات ذهبيه (لحد يحسدني على مخي
)
وأخيراً قدرت أركب جمله على بعضها ومدري أصلاً كيف ركبت معي
ولكن اسمعوا الجملة إلي الكل شهد بأنها من أفضل الجمل في اللغة العربية (إيه ... على خير)
قال الأستاذ: يلا بسرعة...عطني جملة عشان نكمل الشرح
وأجيكم وأفجر أنابيب المعرفة إلي عندي (أمحق أنابيب معرفه)
وبديت أستعد عشان أعطي الأستاذ الجملة وقعدت خمس دقايق أتحنحن(
..
..عشان أعدل الصوت)
وأخيراً قلت الجملة إلي دخلت التاريخ من أوسع أبوابه وهي:
3^
2^
1^
""دخلت أمة محمد المنزل!!!""
سبحان الله الصف ما كان فيه ولا صوت ولو طاحت إبره نسمعها
وفجأة بعد هذي الجملة صار الصف cbm
وصار وجه الأستاذ احمر من الضحك
وما عاد كمل الشرح (لو أدري من أول..... كنت كل يوم أعطيه جمله
)
انتهــــــــــــــــــــــــــــــــــــــــــــــ ـــــــــــــــــــــــــــــــــــــــــــى
تحياتي لكم صرقوووووووع وننتظر مواقفكم