[صقر الحجاز]

يادار جينا وارض الله وسيعـه
نقريك يـادار سلـم المسلمينـا

ماصار يادار هجران وقطيعـه
ولا هو بتكريس للواقـع مدينـا

يادار دنيا العنا ماهـي مطيعـه
ايام ناتـي لهـا وايـام تاتينـا

بشراك يـادار حنـا فالطليعـه
فوق الاشده على طول السنينـا

اهل الودايع ولا عشنا وديعـه
ورد العزايم على الجنب المتينا

حقوقنا كاملـه مثـل الشريعـه
ماتنقص من شمال ومن يمينـا

يادار جيناك والخطوه سريعـه
حب وغلا في رياض الصالحينا

ماجيت يادار ومـدور ذريعـه
لكن عوايـد ونهـج الغانمينـا

اذا رحل قوم ماترحل طبيعـه
بـقـدرة الله رب العالمـيـنـا