[منقاش]

بسم الله الرحمن الرحيم , ولا عدوان ألا على الظالمين , واللهم صل وسلم على عبدك ورسولك محمد , وعلى ألآل والصحب النجبا , ما هبت النسائم , وما ناحت على ألأيك الحمائم , وبعد :
الحمد لله على عودتك يا حليفي لأرض الوطن سالم وغانم أن شاء الله , والحمد لله اللي غيرت التجربه شي من قناعاتك وأحكامك المسبقه عن الأسفار والمسافرين .
الأسفار اللي ما وجد أبو نقشه أمتع منها , وليتك يا حليف بدر الدجى عرجت على وادي الملوك وما أدراك ما وادي الملوك , وزرت الفرعون (رمسيس الثاني) وجماعته في المتحف المصري , ومريت في طريقك على الوتد (الهرم) ألأكبر , وتسلقته من الداخل ومن الخارج , وأعطيتنا أنطباعاتك ...
ومنعا للأطاله أحب أختمها واقول , تذكرني أسفار الخارج بأسفار المخاوي البطل , اللي متزوج على زوجته اللي في الرياض ثلاث زوجات في ثلاثه بلدان بدون علمها , وكل ما غادر الرياض راح لوحده منهم , ويا كثر مغادراته وغدراته اللي بعضها يزعم فيها أنه رايح يعتمر والا رايح يحج .
يعني يوهمها كل سنه أنه رايح للحج وهو رايح لطبينتها , ويعني حركات تخلي الواحد ما عاد يثق لا في الحاج ولا في المعتمر.
وطبيعي أنه ما يغادر ألا بعد يفبرك لها قصه وغرض لسفره , حتى يقنع به المسكينة اللي جلست وراه في السعوديه , ولا فتحت عيونها سته على سته وحطت رجلها على رجله حتى ما يلعب بذيله من وراها .