[ابو عادل]

مع التحية للأخ بعيد النظر مع التحية للأخ بعيد النظر مع التحية للأخ بعيد النظر مع التحية للأخ بعيد النظر مع التحية للأخ بعيد النظر

أهداني أخي الشاعر الكبير {بعيد النظر} قصيدة تحمل من الصور ماتحمله وتنم عن صدق
مشاعر كاتبها وقوة شاعريته وقدرته الفائقة على التصوير البديع لخلجات النفس وأنني إذ
أرد بالقصيدة المتواضعة التالية فإنني أحاول مجاراته والإستفادة من فكره الواسع وخياله الخصب ولن أرتقي الى مستواه فهو متمكن وبكل المقاييس ولكنها محاولة ليس إلاّ.

[poem="font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black""]
ياعازف اللحن الحزين الهبت قلبي وارتعشت=من كثر خوفي من ظروفي خفت لايتجددون
من مخدعه نكّشت همي ليت وانك مانكشت=غياهب الإحساس جاشت والجوارح يشهدون
واسرجت خيلي نص ليلي ثم تحزّمت ونحشت=ونوّخت في غبّة بحر حرفي وجاذبت اللحون
لو للزمان وللمكان انصاف ماكنت ابتلشت=أثر القيود بلاحدود تقسّي القلب الحنون
ولويندفن هم الليالي كان كفّنت ونعشت=وطلبت فزعة فاعلين الخير معنا يدفنون
يوم النصيب اقرب قريب الياصدمني مااندهشت=لجل النصيب ومايجرّه في ملاقانا يمون
ياقلب يااللي تحتضر في العلم لوفي الحلم عشت=ماكنت عشت مفارقات همومها تازن طنون
العمر طلّة قاصرة تخرج بعدها تحت بشت=ماتعرف اللي في وداعك يحزنون أويضحكون
ماانته مخيّر في مقرّك لابنيت ولافرشت=يحكمك تقرير الثنين اللي عليك يسجّلون
وش حيلتك لويطرح السايل سواله وانكمشت=وانته بلا زاد ومتاع ومرتشف كاس المنون
هناك لحظة ضعف مطلق لوتململت وطفشت=تبقى أسير ومستجير (اليوم حطيت الظعون)
ياالله بيدك امري وعمري وان هبشت اللي هبشت=جالك وسيع وتستطيع تقول كن خير ويكون
[/poem]