[H Y T H A M]

قبل سنتين رحت ومعآي درآهم لحرآج السيارات في النسيم / الريآض

وكنت أدور سيآره أركبهآ وأوسع الصدر بهآ .. الحآصل لقيت الموتر ورحت أشيك عليه عند الميكانيكي

وأدخل ذيك الورشة إللي قآعد عند بابهآ ( سودآني شآآآآآيب )

سلمت وقلطت وبدأ الرجآل يقلب الموتر .. يمين .. يسآر .. فوق .. تحت .. شغل الموتر وقآل أركب

مشينآ شوي وأنطلق الزوول بالهرج

يآولدي إنت موظف .!؟ قلت نعم

قآل رآتبك كويس .!؟ قلت الحمد لله

قآل قروش السياره ذي من وين جبتهآ .!؟ قلت وش قصتك .. وش تبي .. فآتح معآي تحقيق كأنك المفتش كرمبو

قآل يآولدي بـ نصحك نصيحه لوجه الله
دور سياره على قدك توديك وتجيبك مشآويرك المهمه .. يعني لايزيد سعرهآ عن الـ 10 آلاف
وبآقي القروش شغلهآ ودور من وراهآ عيشة .!

قلت وش هـ الـ ....... إللي بتأكلني عيشه والنآس تتآجر بالملآلآلآلآلآيين .!؟

قآل هذآ بلآكم يالسعوديين .. عايزين المكتب والمكيف والزاعه سلاسه تنبرشون على المندي وكآسة اللبن ونووووووم

يآولدي أنا أعرف زول سعودي كآن بعمرك أول مآشفته .. جانا من تبوك وكآن معاه عشرة آلاف ريال ويبغى يشتري بهآ سياره يترزق الله من وراها .. أشترى كرسيدا بتزعه ألف وجابها للمحل تبعي يكشف عليها وخبرني بالموزوع وإنه نآوي يبيع ويشتري ورآس ماله هـ 10 ألآف .. مرت الأيآم ورجع لي الزول نفسوو بتلاته كرسيدات وقال أفحصهم لأني نآوي اشحنهم على تبوك .. قلتا ليهو مو إنتآ زآتك الزول إللي جآني قبل كزآ شهر وماكان معآك غير العشرة ألف حقك .. قال نعم أنا بزآتي .. الحين صرت أشتري السيارات من الرياض واشحنهآ على تبوك وأتكسب من وراها الفين ثلاثه .. وأبشرك الأمور تحسنت والعشره هذيك صآرت عشرآآآآآآت ولله الحمد

ويقول الزول إنه بعد سنه مدري سنتين صآر هالولد السعودي عنده معرض سيارات في تبوك

ويمر الرياض يسلم عليه ويلقط كم سياره من عندنا ( فيذآ )

الشآهد / الزول حآول معي يمين يسآر يبي يقنعني آخذ كرسيدا بتزعه والباقي أتاجر فيه
وانا أقول في نفسي أخلص يابن الحلآل ورآي فحص دوري ومرور .!









الحمد لله أولاً وأخيراً

رآحت قروشنا في الأسهم .. ثم لحقنا تجآر ( طاق طاق طآقيه ) العصلآني وأعوآنه

ومازلنآ نسدد لأبو رجحه ثلث رآتبنآ منذو ست سنوآت ونيف










بآرك الله فيك يابو سيفين

وأعذرني على الشطحآت .. حسيت إني بفضفض شوي