الفَـــرْقْ واضِـــحْ الفَـــرْقْ واضِـــحْ الفَـــرْقْ واضِـــحْ الفَـــرْقْ واضِـــحْ الفَـــرْقْ واضِـــحْ
الفَـــرْقْ واضِـــحْ
[POEM="font="Tahoma,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحي راعي الصدق لو هو ضدي=ما يزعل امْن الصدق .. غير العيَّه
الصادق ابْقَى لي .. ولو ما ودِّي=والكاذب اسرع من زوال الفيَّه
صدقٍ(ن) يوريك الخطر وتهدي=وايْحط لك دون الخطر مارِيَّه
أو كذب يترك لك مجال تعدي=حتى تطيح بحفرة(ن) مطوية
الفرق واضح لو قَصَرْت بردي=هذي سوالف ماهي ابــ مخفيه
مُـــرْ .. ويداوي علة(ن) في كبدي=ولا حَلاَ .. في الكبد مثل الكيه
أذكر كلام .. وحافظه عن جدي=الصاحب الكذاب .. مثل الحيه
لو كان حلو لسان بَيَّح سدي=يظهر لي بْنِيَه ويخفي نيه
والصادق ولو هو عدوي .. قدِّي=جوانبي .. من جانبه محميه
يجي لحقه .. ما يجي متعدي=له وجهي ان واجه .. ووجهه ليه
أنا اشهد انه كفْوُ .. لو هو ضدي=ياخذ ويعطي حق .. ماهو عيه
[/POEM]
.