[المنديالي]

المشاركة الأصلية كتبت بواسطة ساعدي وافتخر

عادي وضـح ليش تلف وتدور

ياولد السواعده الضاهر ان عينك ماجات الى على رد ابو خوله ولو قريت الموضوع ياولد العم كان عرفت ان العلوم سهالات وتوسيع صدر والرجال وانا اخوك الي يبدي العلم ويقول تروني زعلان وحصلي كذا وكذا هذا رجال الضاهر منه زي المخفي يعني مايدس العلوم بالعكس يبديها ويقولها لانه صاحب نيه صافيه والامور وانا اخوك ماتنخذ بخشم القطله الله يرحم من قال ( ماكان اللين في شيئ الا زانه ........... ) الامور هداوه والمصاريه يقولون ( مصارين البطن بتتخاصم ) تبينا احنا مشرقين ومغربين مانتزاعل الله يرحم والدين عقبووك فيه مثل يقول ( ان رفعتها بالشارب وان نزلتها باللحية ) فهذا ولد عم وهذا عاني ومادام الامور تمشي نمشيها وش يسير .
وبعدين ترى الرجال ضيف عليه يعني اذا جات لحقوق ترى الحويه ماهي بعيده وماتدري ونا زابنك وطاق العشوه وخارج هي روقنا وخلنا حبايب ولا ترى الغنم غاليه لاتقول المنديالي ماقالي .

وجودك بالموضوع يبن العم فرحني وزادني سرور لون المعرف تصدق بديت احب الالوان الخضرا مدري ليه لاتحسبونه خوف ابد انا ما ااخاف الا من مخبر سري بس والباقين صدقني حلوين وطيبين وبنحبكم .
دورت على صورة بوسه احطهاا مالقيت شكل ابو عبدالرحمن مايحب لايبوس ولا ينباس ولا كان حطيتها لك عشان تعرف اني حبيتك وكل عام ونت طيب

المشاركة الأصلية كتبت بواسطة E B R A H E M O O

السلام عليكم ورحمة الله وبركاته
انا ضيف جديد مسير وعطونااا علوم الثرمده يمحون علوم الثرمده

حياك ياضيفنا لو زرتنا لوجدتنا نحن الضيوف وانت راعي الحله
حياك يا ابراهيمو
ومادام جيت لثرامدنا خلنا نبدى معك بمعرفة سبب تدليعك لاسمك ابراهيموووووووو يعني اول مره يعدي عليه واحد يدلع نفسه بعدين ابراهيمو - فتش هذا اسم من ( البوسنه والهرسك )الله لايهرسكنا لكن الأوله تراها حلوه بس لو حذفنا اخر حرفين واعتبرها عربون صداقه ياعم يالله غيرك اول مايدخل مايحصلها .