[منقاش]

الشاعر الملهم , والمشرف المبدع , حليف الشيخ , سنا الهجره , حفظه الله ..
عميد منتدى الحياه الفطريه , الشيخ سلام , سلمه الله وأبقاه ,ومن الشر أذراه .
مشرفنا العام , الحاج لهرر أثيوبيا هذا العام , الشيخ ابو عبدالرحمن , يحفظه الله .
السلام عليكم ورحمة الله وبركاته , والله يسعد صباحكم ومساكم وكل أوقاتكم , أنتم وشيخكم ابو نقشه وساير شيوخ المسلمين بما فيهم الشيخ الغايب الحاضر عميد منتدى الرحلات الشيخ ابو سيفين وفقه الله , وبعد :
أشكركم على ثناكم وحسن نباكم , وأبشروا أنتم وكل من تعاطف معنا من بقية أعضاء المنتدى , أبشروا باللي يسركم وينومسكم , وابشروا بنصيبكم من الذهب والكنوز , لكنه ذهب خام يحتاج لفصل من الشوايب , وترونا ما نعطي ألا بالقلاب السكس , وأذا أعطينا نعطي عطا الكرام , ونعطي العطا اللي يغني , وعطا من لا يخشى الفقر .. .
بخصوص أقتراح الشيخ سلام الله يسلمه ويبقيه اللي ألتمس فيه رفع ردحتنا المصريه , نقول مشكور يا شيخنا , وأقتراحك عين الصواب , وترانا عمدنا مشرفنا العام ابو عبدالرحمن بنقل نسخه من قصيدتنا المصريه لمنتدى الشعر , واعطينا صوره من هالأمر لمشرف منتدى الشعراء للأعتماد .
من ألأخبار الساره اللي أحب أزفها لكم هو أهتداء ابو عبدالرحمن والشيهان وابو تركي , أهتدوا وأعلنوا العزم على التوبه والندم على ما فات , وجوني قبل ليلتين مع بعض أعيان القبيله نادمين تايبين آيبين , ومعهم ملفى خمسه من الثيران الخبتيه بجمالها , ومعهم كل اللي بقي ولا أكلوه ولا تدهنوا به من الزيوت والشعير والتمر المهيا اللي كان يهديه عليهم المخاوي الخبيث .
وأنا من جانبي قبلت توبتهم عن شقر عصا القبيله , وعن أخذ الرشاوي والخيانه العظمى مع ألأجنبي والجيز المعدي , وأمرت بتحويل بقايا الشعير والتمر للجمعيه الخيريه , وأحتفظت منها بكم كرتون من السكري المفتل والشعير العثري اللي يصلح للقهوه .
ورجايه , لا يظن أحد منكم أن ابو نقشه يبغيه لنفسه , لا لا, أنا محرم على نفسي أي شي لمسته يد المخاوي تمر والا غيره , ألا أذا كان من التمور المغلفه بالبلاستيك من النخب ألأول اللي ما أنفتح غلافه , فلا مانع عندنا حتى أباشر به على الضيوف اللي ما أحبهم , لأن اللي أحبهم ما أكلهم السحت...
ولا يفوتني في الختام توجيه الشكر لرويعي الغنم على أمانته في نقل كل ما قلناه له حرفيا وتوصيله لكم فيما كتبه بهالحلقه , وشكرا للجميع مرة أخرى , والويل كل الويل للماجورين الخونه ....