[الـثـمـالـي]

قصيده جدا جدا رائعة تحمل الكثير من الاسرار اتمنى لو احد شعراء المنتدى يوضح لنا مافي هذه القصيده من جمال

استعانه بالله على الظلم
استعين ب/قوّ باسك على قوم الفسوق
واستجير بنور رحمتك من سود الليال


اصحاب البشوت ووقوفهم من الظالم
والبشوت اللي منول لها في كل سوق
منزلة عليا وتثمين ما بين الرجال
تالي الايام رثّت ومن كثر الفتوق
ظنتي ما عاد تسوى مع العالم ريال
دام لا تقضي دعاوي ولا تعطي حقوق
وان لقت باطل تسوي على راسه ظلال


تذكير بعاقبة الظلم
ما ربح من يظلم الناس واخرته يذوق
عاقبة ظلمه ويشتال حملً ما يشال
وااعنا قلب المنااافق ويا ويل السروق
كان في دنياه والا ليا شد الرحال


تذكير بأن الظالم له سوابق واكل حق العجايز
لا بلع زاد العجايز ولا بل العروق
من مشاريب النجاسه ومن عدّ الوبال

دعوة إلى تصحيح الاعوجاج
يا رجال العرف ياللي تشوفون الفروق
بين منهاج العواجه ونهج الاعتدال
سوقوا ركاب المواقيف للميدان سوق
والصحيحة قدموها على الجرب الغفال


هنا السر ( ابرق - هزاع)
قلتها وانا ابرق اللي سليم من الطقوق
والفتى هزاع حوله من البارح جدال


كلها شعر بس غامضة