تحية طيبة مليئة بالعطر والريحان إلى شعب المثرمدين,,,,,
ليس هناك مانع عندي من الثرمدة يا مجنونها الا إني شايف ثردمتي ماهي بمستوى ثرامدكم,تدخلون الثرامد بعضها ببعض لين تجيني دوخه وبعدها
ادور الفراش وارقد مما جاني من اجهاد لإستيعاب ثرامدكم!
بس كني حاس أن المنديالي ماخذ عـ خاطرة بسبب عدم ثرمدتي!
فعشان كذا قررت اني اثرمد ولو أنها ماهي اللي تجمل...
أسلوبك والله جميل ورائع ايها المثرمد البطل...
ياحبي لك يالمنديالي والله اني أحبك في الله وانا مااعرفك معرفة شخصية,
يتورالي ان افكارنا متقاربه, ولو أن أسلوبك مميز جدا ومختلف عن أسلوبي ..بس ما تلاحظ إن أغلب اللي يشاركون
بثرامدك أهلاويه! ليتك تحول وتجي مع الأغلبية,ترى ثلاث ارباع
ثمالة أهلاوية بس صامتين ما يعلمون,حتى اللواء اللي ترقى قبل أيام
ترى هوأهلاوي صميم واهلاوي غير,شد رحالك وتعال يممنا...
في البداية اأويدك أن أغلب الأفكار بالمنتديات متقاربة يلطش الواحد الفكرة
وينسخها ويحرف ويعدل فيها ويقول من ورعااات أفكاري..
وهي ما غير قص ولصق وتحوير كلمات !!
أما حلبات المصارعة النسائية وما أدراك ما حلبات المصارعة!
فهي التربية اللي بالبيت, والله لو هم في أفضل مدرسة,وأفضل
مديرة,وأفضل معلمات,وجات وحده ماهي متربية من بيتها
لا تقلب المدرسة فوق تحت!! رجالنا اليوم ناسين عيالهم
ومشغولين بالقهاوي والإستراحات, وما يعرفون بيوتهم إلا بعد أن يخلد عيالهم للنوم,وحريمنا احسنهم حالاً اللي مشغولة بالمكالمات التلفونية التافهه التي لا تغني ولا تسمن,والأمور الأخرى أتركها لكم!
وعيالنا ما لهم الا القنوات الفضائية تربيهم وتعلمهم..!!
إلا ما رحم ربي من الأسر المحافضة,,,,
ويبغون المدرسة تربي وتعدل وتصلح, والطالب أو الطالبة جاي من بيت غير مستقر ومفكك, هذا إذا ما حرضوه عـلى معلميه...!!
وإن شاء الله أهل ثمالة ليسوا من الأسر المفككة
^
وهذه شهادة سمعتها من كثير من القبائل المجاورة...
وكمان يا في حريم أقدع من ميت راجل عـ قول المصريين,تلقاها
تعمل وتصرف وتربي وتتابع عيالها ورايحه جايه,
والذكر ما غير محدر مسند ماله لزوم...
^
برضه أن شاء الله ذي ما هي عندنا!!
أدري أني شطحت واجد وخربت عليكم الثرمدة, بس تستاهلون
انتم إللي طلبتم مني وانا ما أعرف إلا عـ قولتهم
طخه واكسر مخه!
وموضوع التربيه بالبيت من زمان وهو محيرني..أشوف أكثرالأسر
لا تهتم الا بالمأكل والمشرب والملبس فقط,لكن تعليم الأبناء احترام الآخرين
والتأدب مع الغير شيء مفقود إلا ما رحم ربي !
ماغير الواحد يتزوج ما يدري ليش, ويجيب عيال ما يدري عنهم,
ويرسلهم المدرسة بس عشان يفتك من جنانهم عنده...!
ربي يسعدك يالمنديالي أسلوب ثرمدتك جميييييييل جداً,لكن انا والله
ما أعرف الا واحد زائد واحد يساوي اثنين..
ولا عاد تقولون ثرمد معنا...