[منقاش]

المخاوي : وانت من متى عمرك فهمت والا تبي تفهم ؟ , ولو كان عندك أدنى قدر من الفطنه والفهم , كان أمديك أدركت أن الشيوخ من أمثال ابو نقشه جبال صم ما أحد يعرف ويش سدها , ويحيطون كل تحركاتهم وسكناتهم بالسريه لأنهم مستهدفين من المتطفلين الخونه من أمثالك ومن أمثال ويكي ليكس , (الله يستر لا يكون هذا اللكس يسرب بعض بلاوينا في ألأيام المقبله) ...
وبعدين , أذا كنت تظن أنك رجال مالي ثيابه وعارف جوابه , ولا تعرف أرض الخضره والفضه اللي ناصيها سماحة أبو نقشه فبطن ألأرض أولى بك من ظهرها ...
والخلاصه , أن كان عندك زيوت وألا شوية شعير من اللي أنت خابر وتبينا نوصلها لحلفاك , قابلني في مطار الرياض في طريق عودتنا للطايف المانوس من رحلتنا المظفره , وشوف وقتها يوم يطلع شيهانك وينطلق لسانه ويبتدي في كيل المدايح لسلالة الخبل اللي ذبح حصانه حتى يمدحه جيرانه ويقولون جاد الجواد بجواده , (مخفوع , ولو عنده شوية عقل كان خلى جواده للكر والفر في ساحات الوغى وعشاهم همبرقر والا بيدزا , وان زودها شاه والا عنز من طرف حلاله) ....
والزبده , خذ في بالك , ترى تمرك يا مروح اللي وصلني قبل شهر ما كان على قدر المقام , وثاني مره أذا بغيت تهدي , أما اهدي النخب ألأول وجود الكم ونقي النوع , والا أنثبر مكانك وكل شعير واسكت ولا تبدي في ريع الفضيحه قدام الرجال اللي ما أنت في مستواهم ...
ملاحظه : يا مشرفين أعتمدوا نقل ثرثرة المخاوي للأستراحه قبل أغيركم بمشرفين غيركم من اللي على بالي ...