اقتباس:
المشاركة الأصلية كتبت بواسطة المنديالي
بامرحبا ياواقعي
شرفت ولا كلفت
وبما انك واقعي جدا فوش رايك تقلنا وين الواقعيه في زمنا الاقشر هذا وهل من الواقعيه اني القى كيس السكر اليوم بــ 52 ريال الــ 10 كيلو
مره اخرى فرحنا بوجودك واسفرت وانورت واسفهلت وامطرت
|
حياك الله يا مرحب وفي حلال الكرام ما من كلافة
في الزمن الأقشر إن ما تأكل على ضرسك لن تنفع نفسك
يعني ممكن نغير من طريقة حياتنا
أولاً .. السكر شر وما يجيب إلا أمراض وسمنه وودي إن العشرة كيلو ب 60 ريال
لو نبطل من الحلويات أو نخفف منها على الأقل كان خففنا ووفرنا
تخيل صينية حلا عليها مقادير كاستين سكر , يا دافع البلا
جرب تشرب الشاهي من البزبوز وهو مر وإلا حلا وسط
وإذا تشكي من غلا الرز .. بدل ما تطبخون 3 كاسات رز و ترمون الباقي جرب تطبخون كاستين وتلعق الصحن وتحصل بركته
أشوفكم رياضين وتلاحقون الكورة وما ادري وش تنصحني ألحقها وراكم وإلا لا ومن ترشح لي الحق وراه
مر من هنا واقعي جدا