الثمره ....
الثمره .... الثمره .... الثمره .... الثمره .... الثمره ....
[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هز الغصون المثمره واثتمرها=ماطاح طاب ومابقى شيص خله
نوادر ابيات الشعر باختصرها=مثل الثمر لاطاح وقت الاهله
الناس من منطوقها نعتبرها=عقال والا للسفاهه لعله
احرص على اللي كلمته يختبرها=قبل تفوع وتنحسب عثرةٍ له
والجاهل اللي لابته يحتقرها=يمناه تبغى الطيب وتشيل دله
يمشي دروب ٍ مادرى عن خطرها=بصير والعميان قدمه تدله
يدفن جحور بحفرةٍ قد حفرها=ولاعاد يدري من غبا وش حفرله
هذاك خرقة مسح كل ٍ عصرها=ممساحة ٍ يمسح بها كل بله
ترى الهروج انماتضاوع عطرها=سجن الصدور يحقق الخير كله
[/POEM]
|