[سلطان الثبيتي]

المشاركة الأصلية كتبت بواسطة سنا الهجرة

يِمْكِنْ هَدَفْنَا مُخْتَلِفْ


[POEM="font="Simplified Arabic,5,black,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]
يمكن نسابق في الزمن والا معاه مهرولين=يمكن يواجهنا الخطر والا نعدِّي سالمين
يمكن هدفنا مختلف والا الهدف نفس الهدف=والا على نهج السلف والا نبي دنيا ودين
نبغى نحدد مسألة جوابها ما نجهله=واللي نبيه ونسألة .. من دون ما يحلف يمين
لكل مخلوق اتجاه أما غرق والا نجاه=الجاه لو ينفع نفع فرعون والمتفرعنين
من يعشق المسرا مسى ومن على نفسه قسى=ومن نسى لا يذكر الله من صباح العالمين
من عد نفسه للسفر واختار للصحبة نفر=صحبة دهر ماهو شهر صحبة على الغربه تعين
من مدرك ان الله يراه ولا يخاف احد(ن) سواه=ومن عصاه ومن نساه ومنتظر حظه يزين
من شبها بعده حريق ومن بدا صدره يضيق=ومن هو المخطي الطريق ومن وقف باقصى اليمين
منهو يراجع ما مضى اما زعل والا رضى=ما يحتري وقت القضا ويعيش عيشة غافلين
يعني من اللي مستهين ومن على الله مستعين=ومن مع الحق المبين ومن يعين الظالمين
جاوب على قدر السؤال العمر تاليه الزوال=مهما يعيش الآدمي ماهو مجانب حاجتنين
أما على واقع خطأ وانه على نفسه سطا=وان ماعطا باول عسى يعطي بعد ما يستبين
والا على الوضع التمام اللي على احسن ما يرام=إن قام والا نام ما خالف طريق المسلمين
فان شاف حاله مستقيم الفضل لله العظيم=هو في السليم ، ويستمر الين يأتيه اليقين
وان شاف حاله في دبور او حس من نفسه قصور=الدور لا منه وعا .. هل غير الوضع المُشِين؟
يارب نسألك الرضى واغفر لنا ماقد مضى=مضى من العمر الكثير وما شعرنا بالسنين
نسألك حسن الخاتمه واعمالنا اللي قادمه=يارب تجعلها لوجهك ياكريم ويا معين
[/POEM]





.

صح لسانك يابو عبد لله قصيده جميله جدا وتحمل الكثير من المعاني الساميه ولا هي غريبه على شاعرنا العلم سنا الهجره شاعر الحكمه والاخلاق والذوق الرفيع