[سنا الهجرة]

المشاركة الأصلية كتبت بواسطة النادر

لا اله الا الله

تجربة السجن مريره ومن طرائفها المؤلمه اني دخلت توقيف المرور في الاسبوع الاول من زواجي

لكنها بقيت تجربه وارعبتني حتى من ان افصح عما بداخلي تجااااااه بعض انظمة السجون

ولعلها مناسبة لان اعبر للسجن الاصغر عن رفضي لقضبانه


ولأني لا اجيد الا الشعر ........

حديد والا من عظام

والا من اشلاء الظلااااااام

والا من عيون البشر اللي تطالعني خزر

ياسجن ماني باشتهيك

فلا تعرفني عليك

ماحب اعرف الا البياض وازهار ووسوم وفياض

واصوات ورقاً شدها للحن تسبيح الرياض

ماحب اعرف الا الوجيه اللي مالونها السواد

اليا بدت بسنونها ماتدفن الجمر برماد

ياسجن في بعض الوجيه

صاحب ولو انك تجيه

في حاجتك ماعبرك

واليا قضا من حاجته فاقرب مراغه غبرك

ياسجن لو انك حديد

والا من اقفاص العظام

ما اقبلك لو جف الوريد

لانك بلا روح ونظااااااااااااام

[poem="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مثل الاسير اللي رماه الجور فيدين الغشيم=رميتني ياشعر في كفوف الحظوظ البايره
حطبت ظلاعني عشان ارضيك واشعلت الهشيم=ودورت بافكاري على ذاتي وصارت دايره
ماهي بعاداتك معي وانت الحشيم بن الحشيم=ارميك فوجيه الهموم وتقفي همومي ذايره
والبسك ثوب من العدا اليا التقى خصم بخصيم=وتشيلني بين الكفوف فالفرحه اللي صايره
مثل الغرير اغديتني لاني رضيع ولافطيم=شرايدك صيد الجوى عيت تقاضب نايره

[/poem]

اللـــــــــــــــــــــــــه عليك يالنادر

لم أكن أتوقع منك أقل من هذا .. فـ أنت إذا حضرت تميزت
صح لسانك على الثنتين