عوداً حميداً أبامآجد
مثل ماتفضلت .. الشبآب ممكن يرفضون وظائف مالهآ وضع إجتمآعي جيد
لكن إيش الأسباب إللي تخليهم يرفضون .. أكيد المجتمع أهم سبب لرفض مثل هالوظآئف
سبآك - كهربآئي - نآدل مطعم - نجآر وغيرهآ من الوظآئف ( اليدويه الحرفيه )
مع إن دخلهآ مقآرنه بغيرهآ من الوظآئف العآديه مثل ( المعلم أو الموظف بالبلديه أو الموظف بالوزآره على المرتبه ) قد لاتقآرن
فـ يوم وآحد في مهنة السبآكه ممكن يجيب لك 300 الى 400 ريآل وأحسب بآقي ايام الشهر
لو رآح يخطب وسألوه وين تشتغل قآل نجآر .. بيزوجونه .!
لو رآح يرآجع معامله له في دآئره حكوميه .. هل أوراقه بتمشي زيه زي شاغلي الوظآئف الثانيه .!
هل ممكن أهله يوافقون له يشتغل سبآك مقآرنه بوضعهم ( الأجتمآعي - القبلي ) المرموق .!
أعرف وآحد قدم على ( مضيف في الخطوط السعوديه ) وجات الموافقه وكآن بيطير من الفرح
جاء ابوه وقاله .. مابقى إلا تروح تخدم خلق الله وتصب لهم شاهي وقهوه .. أركد وأقضب أرضك ودور وظيفه غيرهآ .
تحطم وقعد 10 سنوآت أو أكثر مابين جآمعه مآهو مقتنع أساساً بهآ
وبين حلقة خضآر يبيع ويشتري فيهآ وبين دبآب يكد عليه الصبح والليل .!
المشكله فينآ وفي ثقافتنا الغريبه
وإلا هالبنقاليه إللي يشتغلون كل شي وفي سنتين ثلاثه تلقآه مليونير .. منين جآب القروش هذي كلهآ .!؟