اقتباس:
المشاركة الأصلية كتبت بواسطة ابومهنـــــد
حياك الله يابوخولة بعدين ترى هذا الموضوع بعيد كل البعد عن مواضيع الثرمدة هذا موضوع
رياضي عن المنتخب واذا فية هروج يومية وشطحات زي شطحات ابوهبة تثري الدكة..
وبلنسبة ايام 84 و94 انت تشجل الاهلي والشريط الي دايم تشغلة لنا اذا انهزم المنتخب
والا اذا انهزم الاهلي ترى ذيك الاياام رااحت يابوخولة ذيك الايام اياام فيها الموهبة هي الي تحكم
على مستوى المنتخب مو زي اليومين ذي الي يحكم هو خطط مكتوبة على ورق ومن الصعب انها تطبق على الملعب واذا انهزمنا طلعلنا شعبولة على قول الدويش وقال البطولات كثيرة
والجايات اكثر واسباب الهزيمة الجنة التي اختارت المدرب وجابلنا اعذار واهية..
عموما مقالك الاخير الي مدري من وين جبته لنا صدقني كان في محلة لو وزعوا الدراهم
الي تصرف على رعاية الشباب وعلى بيسيروا وزعوها على العاطلين والبطالة
كان لقيت واحد من العاطلين عندة بيت ومره وورعين وعند الباب سيارة اخر موديل..
اللة يخارجنا..!!!! |
تبون الحقيقة المره .. اللي ما راح يعترف فيها لا اداة ولا لجان ولا رئيس
الحقيقه ان منتخباتنا ما عرفت الهزايم والنكسات والميته اللي انتم شايفينها الا بعد ما طبق الاحتراف في أنديتنا
تقولين لي ليش ؟؟
الحين المراكز المهمة في الأندية .. مثل رؤس الحربات في الندية وصانعي اللعب وقلوب الدفاع .. ووو الخ
هذي المراكز المهمة جداَ في أي منتخب .. بعد نظام الاحتراف صارت مشغلوة باللاعب الأجنبي على طول .. واذا لمع لاعب سعودي ما يلبث الا ويكون احتياطي لذلك اللاعب الأجنبي .. مع الأخذ بعين الاعتبار أن نظام الاحتراف بمفهومه الحالي في الملاعب السعودية هو الدراهم وبس
وتلقى أي لاعب أكثر ما يهمه وبالدرجة الأولى الحفاض على رجوله .. لأن يشوف رزقة فيها.
ولو حصل له أي إصابة انتهى تاريخه ويمكن ينتهي مصدر رزقه ويرجع لوضعه المفلس اللي قبل ما يصير لاعب.
ولسؤال الملح الآن ...
شركات التأمين هذي التي تعج مدننا بمكاتبها .. لماذا لا يجبرون على تأمين على اللاعبين بدل ماهم مقرفينا بتأمينهم الخايس اللي هدفه الوحيد الربح المادي.
وتتكلف الرئاسة بدفع مبالغ التأمين على شان اللاعب يعطي وهو متطمن على مستقبله .. ويصير لو لا قدر الله عليه صار له إصابة تعيقه عن مواصلة اللعب >> تتكفل الشركة بدفع راتب له الى أن يموت
فاصل هجوله >> على قول المنديالي .. الله يذكره بالخير
قبل فتره ليست بالطويله ..
ولدي عبدالله الله يصلحه صدم بالسيارة وكان غريمه فلبيني الجنسية والخطأ من الفلبيني 100% وقال أنا مافيه مسكل أنا فيه تأمين >> قال عبدالله حلو هذا اللي نبيه
وراحوا للمرور وعطوه أوراق تقدير .. وراح تهجول وقدر في ثلاث ورش .. والى هنا كل شي طبيعي
بعد ما انتهى من كل هذي اللفه الطويله .. رجع للمرور وعطاه ورقه وقال خلاص روح راجع الشركة .. حلو
طلع الرجال وراح لمكتب الشركة عندنا في الخرج المعطاء .. قالوا ما نقدر نفيدك بشي روح للمكتب الرئيسي في الرياض
قال طيب ليش اروح للرياض وانتم موجودين هنا
قالوا .. يا حبيبي حنا هنا مكتب تحصيل فقط >>> يا عيني اذا يبون الدراهم يجون يفتحون مكتب بجنب المرور ويسوون لوحة تشوفها على بعد عشرة كيلو متر واذا بغيت حقك قالوا روح للمكتب الرئيسي !!!!!!!!!!!!! عجبي
المهم الرجال طقها مشوار للرياض وبعد جهد مضني في البحث عن الشركة الموقرة .. لقيها في داخل حارة >> هذي طبعا الادارة ( المكتب الرئيسي ) والا مكاتب التحصيل تلاقيها على الشوارع الرئيسية !!!!!! وفي كل مكان >> برضو عجبي !!
المهم قالوا له هات نشوف أوراقك >>
وعطاهم ....
قالوا لا يا حبيبي >> وين أوراق التقدير حقة الورش >>
قال عند المرور >> ما عطاني اياها
سؤال مهم >> المرور ما يدرون ان الشركة بتطلب هذي الاوراق .... وليش يخلونها عندهم >>>> عجبي عجبي
المهم
قالوا روح جيبها وتعال >>> بدأت مسألة التطفيش وقلة الخاتمه
اتصل علي وقال هذا العلم يابوي >>> قلت هات عطني الموضف .. وعطاني اياه
واسلم على الرجال .. واتلطف معاه في العبارات وامدح في شركتهم وانهم من أفضل شركات التأمين على الاطلاق وكل الناس تشكر فيهم ومن هذا الكلام >>> لعل وعسى يحنون علينا
قال يابن الحلال لازم تجيب لنا أوراق التقدير >> قلت طيب الرجال جايكم من بعيد خذوا منه الاوراق وانا برسل لكم أوراق التقدير بالفاكس >> قال ما ينفع ولا اقدر استلم منه شي الا لمن يكمل معاملته
الله المستعان
طيب رجع الولد صفر اليدين
وأخذ الاوراق ورجع لهم في يوم ثاني وعطاهم قالوا خلاص روح وتراجعنا والا تتصل فينا بعد اسبوعين!!!! ماهو عجبي
ورجع وبعد اسبوعين اتصل عليهم >> وهات يا اتصالات ولا احد يرد >> قلنا خلاص الربع افلسوا وسكروا شركتهم
المهم بعد جهد وتكرار .. رد عليه واحد وقال خلاص تعال خذ الشيك حقك
قال طيب يا اخوان .. حولوها على رقم حسابي مافيني ادق مشوار للرياض
قالوا لا .. لازم تجي تستلمه شخصياً >>>>>> عاد عسى ولعل يجيلنا فرصه ونمرهم
والا نعود نعذر في عيشة تجي من عندهم
مع اني الحقيقه ما اداني شي يجي منهم >> لكن بناخذها ونأمن بها عندهم مره ثانيه
ونعود هروله >>> ما صارت هروله هذي >> سلحفاة ههههه
تروا الاحتراف كان نكسه على المنتخابت كلها طالما العقليات هكذا ....
المهم الكورة يبي لها خطه علميه مدروسه على شان تنهض من تعثراتها المتتاليه