[سنا الهجرة]

المشاركة الأصلية كتبت بواسطة عيضه بن مساعد_البدوي

السلام عليكم ورحمة الله وبركاته

[poem="font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله على فنجال من دلة الكيف = يلذ مشروبه ويصفي شرابه

في سدتن من صك بابا عن الضيف = بيت الكرم للضيف مفتوح بابه

مدور(ن) لي بن من دون تكليف = كيف(ن) يكلف يابشر ويش ابابه

ياوجد روحي يالقلوب المواليف = وجود من ليله عن اهله سرابه

أهل الكرم والجود وأهل المعاريف = راحو كما من راح بول شبابه

عندم على الطبخه تزين السواليف = ولا شعر يعزف بقوس الربابه

الضيف له عندم معزه وتشريف = ولا تعلم غايب(ن) في غيابه

والضيف ماهو من ضيوف(ن) ملاقيف = كُلن على قده يفصل ثيابه

تفصيل هندي مايباله تواصيف = معلوم تكفي عن بقايا جوابه

الشعر له معنى وطرق ومحاريف = ماهي حروف تنجمع فالكتابه

ولاهو بمويه تنغرف بالمغاريف = سم(ن) على كبد المضحي سرابه

ياحيف يابعض الرياجيل ياحيف = يخيل برق(ن) مايحدد سحابه

سمع الرعد و أقبل يلج الغطاريف = و أصبح يليم في بقايا زهابه

الله يامصغر عقول الخطاطيف = من صُغر عقل الطير محد(ن) درابه

ماتحت ريش الطير غير الغضاريف = والخبت مايعمي عيوني سرابه

ولحد(ن) يحوف الطير بالرمح والسيف = ولاَّ سراب الخبت بيَّن ترابه

ياسمعين القول ياهل المواقيف = بيت الغني ينصى المسير عتابه

والوقت ماطابق ربيعه مع الصيف = وبن عميره ماكسَّر في حسابه

في مامضى طمعان واليوم أبى عيف = ولايشبع الجيعان حبة لبابه

والوقت قاسي والليالي حراجيف = وآخر نهار البين يصعق غرابه

القُل شين وكتَّف الرجل تكتيف = والرجل ماعذّر في ضرسه ونابه


[/poem]

صح لسانك أيها الشاعر المخضرم