[سنا الهجرة]

حَـتـَّـى المُكـَـابِــرْ خَــابِــرْ حَـتـَّـى المُكـَـابِــرْ خَــابِــرْ حَـتـَّـى المُكـَـابِــرْ خَــابِــرْ حَـتـَّـى المُكـَـابِــرْ خَــابِــرْ حَـتـَّـى المُكـَـابِــرْ خَــابِــرْ

[POEM="font="Simplified Arabic,5,blue,bold,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]
يالله يا علاَّم ما تخفي الضماير والصدور=ياللي هديت الآدمي درب الغِوَايَه والصلاح
اللي يبى يَغْوِي غَوَى. واللي نوى الخير اِمْخَبُور=ماحْدٍ جبر واحد على درب مشاه ولا استراح
حتى المكابر خابر ان الليل من بعده سفور=مهما استباح النور ليل، النور بعده مُسْتَباح
يا ما صدور كنها لقلوب اهاليها قبور=شتان مابين الصدور الميته .. واللي صحاح
قوم الصلاح بدربهم. وبدربهم قوم الفجور=كل على ما قيل في الدنيا على صدره وشاح
والباقيات الصالحات .. وجنة المولى قصور=طلايها ما جابها من دون جد ولا كفاح
ما فيه اجر بلا عمل ولا عمل من دون اجُور=باب العمل للي يبي يعمل لوجه الله متاح
وانا اطلب الله فالرواح وفالعشي وفالبُكُور=وادعيك ربي فالمسا وادعيك ربي فالصباح
يسر لنا في الفانية درب .. السعادة والسرور=واكتب لنا في الباقيه .. رضاك ربي والسماح
كل يِجدّ ويجتهد والله سبحانه غفور=ما خاب من يرجي ثواب الله ونيته الصلاح
[/POEM]







.