[منقاش]

عميد منتدى الحياة الفطريه , الشيخ سلام سلمه الله : ما قصرت بعد بشرت بالحق وما يلحق .
وكما تفضلت , أول خلك تفرق اللي تقدر عليه من الجن وبعدها أن بقي فيك حيل وجهد فرق بين اللي تقدر عليهم من ألأنس , ولا تنسى عزوتك ابو نقشه ان تعفرت عليك أحد من الجان , رد منا حتى نساعدك أن قدرنا عليه , وأن غلبنا فيه وقتهاعذرنا منك الغلبه.
وألأهم هالحين خلنا قبل تفريق الجن وألأنس نتسدف دربنا لعلنا نلقى ولو بصيص نور في (آخر)هذا النفق المظلم اللي أدخلتنا فيه مثل العميان ورا العمياء ,, وبعدها لكل حادثه حديث , والصيف ماهو بعيد عنا , وابن همام ماهو بعيد منا ..
أما لقب عنتره اللي أحبيتم تخلعونه على بدر الدجى , فهذا فيه نظر لأن اللجنه اللي يعرض عليها ألألقاب اللي تخلع علينا رئيسها الشيخ ابو سيفين مشغول هاليومين , ولا ودنا نخم أي لقب ما عرض على لجنة ألألقاب وأجازته بالأجماع حتى لا نزيد ندخل معك في نفق مظلم ثاني غير اللي أدخلتنا فيه .
وبعدين يا ابن عمي لا يغيب عن بالك أن العرعره أفضل عندي مية مره من عنتره الطقوع المصيف اللي مات وهو ما حصل على عبله ...