[ابو عادل]

المشاركة الأصلية كتبت بواسطة سنا الهجرة

[poem="font="Simplified Arabic,5,green,normal,normal" bkcolor="transparent" bkimage="images/backgrounds/40.gif" border="none,4,gray" type=2 line=0 align=center use=ex num="0,black""]
اليوم والشارع مِداد الحب واللهفه رصيف=وارواحنا تنبت على اطراف الشوارع لك زهور
لعيون ابو متعب صحاري نجد باريس وجنيف=بالحب صارت قسوة الصحرا .. جِنانٍ فالصدور
ياسيدي لو تسأل المشتاق لك مشتاق كيف=تلقى ملايين القلوب اللي ملاها الشوق نور
بقلوبهم صار الشتا والصيف لقدومك خريف=من بعد ما بانت على وجهك تعابير السرور
كن المكان يقول انا في بعد ابو متعب كفيف=حتى الزمن كنه مكانه لين جيت وهو يدور
وابيوت شعري شرعت بيبانها لقدوم ضيف=وش فايدة شعر وشعور ان ما يِمد الك السطور
ياخادم البيتين. (والبيتين والقدس الشريف)=لو ما شهدنا تشهد افعالك على مر العصور
تشهد لك دموع اليتاما يشهد الكهل الضعيف=تشهد لك وحوش البراري والشجاري والطيور
مصيفك الطائف يرحب بك وقلبي لك مصيف=واليوم في بعدك عن احبابك يعادل له شهور
يا سيدي .. مالك شبيه ولا ومثيل ولا وصيف=الله عطاك من الصفات بحور .. ومن العلم نور
تهناك ابو متعب قلوب الناس .. يالقلب النظيف=يا آسر قلوب البشر .. لك في دواخلنا قصور
يا رب لطفك .. يا ودود ويا كريم ويا لطيف=تجعل لعبدك - سيدي - التوفيق في كل الامور
[/poem]

ماشاء الله تبارك الله عليك ياسنا وصح لسانك ملايين
مدحت من يستحق المدح وبيض الله وجهك
على الصور الجمالية الرائعة التي حوتها القصيدة
التي ملئت شعرا فشكرا لك هذا الإبداع المتواصل