[نسمة هوى]

[يمـوت { الحلـم } قدامـي
وأحـسّ إن السنيـن { قصـار} ..


ودمعي يشتهـي كمومـي
وأقـول إن { الفـرح باكـر } ..



أنـا نجـم السهـر يمّـه وليلـي
يبـكـي الأشـعـار ..

تعـبـنـا نكتـب { الغربـة في الاوطان }
حنـيـن ٍ فـاقـد مسـافـر ..



أحـسّ الحـزن يبكينـي { وحيـــد ويتيم }
أتعبنـي المـشـوار ..

وأحس الناي من صوتي قصيده
{ وخانها الشاعـر } ..



رضيت أكذب على نفسي وأقـول
{ الـدار لأهل الـدار } ..

ورضيت أعيش بــ { الماضي }
وأنـا أكـره واقـع { الحاضـر} ..



ذبحنـي خوفـي { المجهـول }
ودروبـي الطويلـه { نـار } ..

وذبحني البرد والمعطف مشـقـّ ـ ـ ــقّ
{ والله الخابـر } ..



كثير { أضحكـ } مع أصاحبي
وأنا مـن داخلـي { منهـار } ..

وكثير دموع مـا طاحـت عشـان
...{ عيونـي تكابـر } ..



أنا أوّل شخص بالصحراء خذا
{ الشوك } وزرع { أزهار} ..

وأنا أول مـن {عشـق حزنـه }
وعـاش بقلبـه الطاهـر ..


يا يـــمّه بـلّــغي ..أحبابـي أنـا أدري
{ هالزمـن غـدار } ..

وقولي { مـات } لكنّـه
عيونـه لـلسمـا تناظـــــــر ... !!