[منقاش]

من فضلك يا مشرفنا العام يبو عبدالرحمن تشيل من تحت معرف هالمفتري ألأفاك مثير الفتن اللي أسمه أبو تركي كلمة مراقب , وتشيل قبلها الوسام الفضي اللي غلطتم وأعطيتوه أياه وكأنكم ناسين أو متناسين سالفته مع طيارة عورش ولوخيها ...
وبمناسبة التعدديه الزوجيه , فيه واحد أعرفه تناول دنقه مع زوجته بعد وجبة قرص مخمر, وبفعل الدنقه والقرص المخمر أبتدا يهذي ويهذري مثل هذاري ابو تركي , وأبتدا يتكلم عن الحور العين اللي ينتظرونه في الجنه , وفوقها أبتدا يندب في حظه التعيس ويسب في الدنيا الدنيه اللي لو ما أبتلي فيها من البلاوي ألا بزوجته كان كفاه .
وردت عليه زوجته وهي تحت تأثير الدنقه وهددته وهي تقول , أن أغلا أمانيها هي كم حوري في الجنه يعوضونها في العوري اللي أتعسها بعد تجوزته في دنياها الدنيه .
وكلمه منه وكلمه منها حتى غلا الدم في عروقهم وعلت أصواتهم ووصل الخلاف بينهم كل المواصيل , ويوم وصلت بينهم مرابط الحمير , ألتقطت زوجته المجرفه من على الصاخي اللي في طرف المنقل بيمناها ووسطت بقفاها (قفى المجرفه) مقفى زوجها , وأتبعتها بكم ضربه خطافيه بقفى المجرفه على مقفاه حتى لفظ أنفاسه ألأخيره وسقط مضرج في دماه , ثم زادت تناولت الخمره من طرف المنقل وكتتها على دومته ..
بعباره ثانيه , ترون ثلاثه أرباع أعضاء هذا المنتدى الطاهر هم من شقايق الرجال , بعضهم بمعرفات نسائيه والبقيه بمعرفات رجاليه , ويكون في علمكم أن ما كل ما يعلم يقال , وأن الفتنه نايمه والباقي تعرفونه , والموتورين من أمثال أبو تركي وأضرابه ألقموهم كم حجر حتى يعرفون حدودهم , ويتركون الرجال في غفلتهم والنساء في سكتتهم , وشكرا ....