[سنا الهجرة]

المشاركة الأصلية كتبت بواسطة ثماليه شماليه

[poem="font="Simplified Arabic,5,deeppink,bold,normal" bkcolor="transparent" bkimage="images/backgrounds/21.gif" border="none,4,gray" type=2 line=0 align=center use=ex num="0,black""]
على الخالق المعبود منشي مخايله =اشوف السحاب اللي الهبايب تشايله
انا ادعيك يالمعبود تسقي ديارنا=وتلطف وترحم ناس عاشت علايله
وجفت بيار ديارنا يالله رحمتك =وكم راح بستاناً وذبلت خمايله
وانا رحت لديره وطليت طله =وجاني مرض في القلب وبانت علايله
امشي وكن القيد ماسك رجولي =وفكري رحل مثل اللذي شدت رحايله
تحجرجت نفسي بضيقه في لحظه=تذكرت وقتً راح وافنى قبايله
ولكن رجوانا في ربي وخالقي=يهون علينا هالزمن مع هوايله
يبارك لنا في محصول زوجي وراتبه=ويضفي عليه الخير ويلهم صمايله
ويادوب محصوله يوفي نصف شهر=وباقي الشهر كني في لاضي قوايله
فطوري غدايه عشايه خبز وحمده=وتسعه من الايام والنفس نايله
وعاشر الايام نحيا بلا شغف=يقضي لنا وإلا يسدد بقايله
وهذا الفقر يعض فينا بنابه=كما اللي لبس ثوبه وبانت شلايله
ختامها دعوه لرب العبادي=وارفع يديني دمعة العين سايله
[/poem]

الشاعره / ثماليه شماليه

صح لسانك أختي ثماليه شماليه
نعم إنها قصيدة جميله .. معبرة .. ومؤثرة
وقد استمتعت بقرائتها مرتين وسوف أعود مرة أخرى لقرائتها إن شاء الله
لأنني لمست فيها تطور بارزاً عن سابقاتها .. مع ما في السابقات من جماليات واضحة
وكذلك أحب اشير هنا بأن لك اسلوب يخصك في سبك ونظم الشعر
وأرى بأنك تمتلكين موهبه شعرية راقية
وبغض النظر عما احتوته القصيدة من آلام وحزن عشناه مع الشاعرة
الا أنها تحكي مشاعر فياضة استطاعت الشاعرة أن تترجمها بشكل جميل
شكراً لك شاعرتنا على هذا التواصل مع واحة شعراء المنتدى