رد: اكتب اجمل قصيدة قرأتها
أوعدْك كان حضوري مسبـب إزعـاج
..أودعك ، وأغيب ، وألغـي حضـوري
لاصرت ماني عنـد ضيقاتـك ، فـراج
...قول لـ مقادير الزمـن ويـش دوري ؟
ماني بـ[ فاتح باب قلبي لـ/ الإحراج ]
وماحب أكون إنسان ماهـو ضـروري
يوم أنت كنت بـ( ظلمة أيامي ) سراج
.ماخافت الخطوات .. حـزّة عبـوري !
جيتك غلا ، ماجيتك إنسـان / محتـاج
...والناس تعرف ، قيمتي مـن مـروري
كتبت لك .. أبيات ، وقصور ، وأبـراج
.وإن مارضيت شلون يرضى غـروري
ببعد وأنا أدري ما ورى بعدك / إعـلاج
..والهجر ( ماهو من دواعي سـروري )
دامك تبادل ضيقي .. بـ/ ضحكة إحجاج
وش بستفيد .. إن ماتـداري شعـوري
ياكثر ، ماخبيت شعـري .. بـالأدراج
خايف يضايق وسع صدرك / ظهوري !!
|